Častka srodkaŭ, jakija pastupili ŭ biahučym hodzie ad respublikanskaha subotnika (bolš za 1 młrd rubloŭ), pieraličanaja na raspracoŭku prajekta rekanstrukcyi i restaŭracyi budynka Čyrvonaha kaścioła.
Pra heta, jak pieradaje karespandent ahienctva «Minsk-Naviny», na sustrečy z kalektyvam KUP «Minskaja spadčyna» 30 červienia paviedamiŭ namieśnik staršyni Minharvykankama Ihar Karpienka. Mierapryjemstva prajšło ŭ Minskaj haradskoj ratušy pa vynikach piataha Usiebiełaruskaha narodnaha schodu.
Jak udakładniŭ dyrektar KUP «Minskaja spadčyna» Pavieł Šykuniec, hety pomnik historyi dosyć daŭno mieŭ patrebu ŭ abnaŭleńni: ramontu patrabujuć ŭsie inžyniernyja sistemy budynka, a taksama fasad i ŭnutranyja pamiaškańni.
Pakolki takija pracy vielmi zatratnyja, nastajaciel kaścioła źviarnuŭsia da haradskich uładaŭ z prośbaj ab sadziejničańni ŭ praviadzieńni rekanstrukcyi. Pa słovach P. Šykunca, ciapier instytut «Minskhramadzianprajekt» užo raspracoŭvaje prajektnuju dakumientacyju.
