Samaje sučasnaje ŭ Biełarusi adździaleńnie paštovaj suviazi adkryjecca ŭ minskim mikrarajonie Lebiadziny 12 žniŭnia, paviedamili va ŭpraŭleńni markietynhu RUP «Biełpošta».
Novaje adździaleńnie paštovaj suviazi budzie pracavać pa adrasie pr. Pieramožcaŭ, 123. Jano budzie absłuhoŭvać bolš za 13 tysiač žycharoŭ, a taksama bolš čym 100 pradpryjemstvaŭ i arhanizacyj. Adździaleńnie stanie 10-m pa liku ŭ Centralnym rajonie i 120-m u Minsku.
Dla zručnaści klijentaŭ uviedziena elektronnaja čarha i arhanizavana rabota čatyroch apieracyjnych voknaŭ. Navinkaj stała zona samaabsłuhoŭvańnia, abstalavanaja terminałam SmartPOST, aŭtamatyčnym kapiravalnym aparatam i płaciežna-daviedačnym terminałam. Tut možna budzie aformić i adpravić zakazny list, ździejśnić płaciažy biez kamisii, zrabić kopiju abo razdrukavać dakumient.
Dla klijentaŭ adkryjecca «Paštovy pasaž» — handlova-vystavačny abjekt, u jakim pradstaŭleny vialiki asartymient paštovak, marak, kanviertaŭ, suvieniraŭ i tavaraŭ biełaruskich vytvorcaŭ. Naviedvalniki zmohuć nabyć tavary na miescy abo aformić zakaz u paštovaj internet-kramie.
U dzień uračystaha adkryćcia adździaleńnia, 12 žniŭnia, pieršym klijentam ŭručać paštovyja suvieniry.
