Piačerski rajonny sud (Kijeŭ, Ukraina) dazvoliŭ zatrymać ministra abarony Rasii Siarhieja Šajhu. Pra heta havorycca ŭ rašeńni suda ad 26 žniŭnia.
Sud zadavoliŭ chadajnictva Hałoŭnaj vajennaj prakuratury, dazvoliŭšy zatrymać Šajhu z metaj jaho ŭdziełu ŭ razhladzie chadajnictva ab užyvańni miery strymańnia ŭ vyhladzie ŭtrymańnia pad vartaj.
«Zatrymanaja asoba na padstavie vyznačeńnia śledčaha sudździ nie paźniej za 36 hadzin z momantu zatrymańnia pavinna być vyzvalenaja abo dastaŭlena da śledčaha sudździ, sudu, jaki vynies rašeńnie ab dazvole na zatrymańnie z metaj pryvoda», — havorycca ŭ dakumiencie.
Jak viadoma, 22 žniŭnia hienprakuror Ukrainy Juryj Łucenka nazvaŭ proźviščy 18 rasijskich vajennych čynoŭnikaŭ, jakim paviedamili pra padazreńni ŭ arhanizacyi hibrydnaj vajny z Ukrainaj. U pryvatnaści, siarod ich — ministr abarony RF Šajhu i dvoje jaho namieśnikaŭ.
