Vystupajučy na inviestycyjnym forumie ŭ Rasii, Pucin u čarhovy raz abvinavaciŭ ZŠA ŭ finansavańni Revalucyi hodnaści va Ukrainie, jakuju jon nazyvaje dziaržpieravarotam.
«My byli vymušanyja abaraniać ruskamoŭnaje nasielnictva na Danbasie i adreahavać na imknieńnie ludziej u Krymie viarnucca ŭ RF», — skazaŭ Pucin.
Jon zajaviŭ, što chacieŭ by mieć siabroŭskija adnosiny z ZŠA, ale pry hetym znoŭ abrynuŭsia na ZŠA z abvinavačvańniami.
«Heta ž nie my daviali da dziaržaŭnaha pieravarotu va Ukrainie. Asabliva našy amierykanskija partniory stajali za hetym, finansavali radykalnuju apazicyju, daviali da niekanstytucyjnaj źmieny ŭłady, choć Janukovič usie patrabavańni padpisaŭ i byŭ hatovy pravieści daterminovyja vybary. Ale zamiest hetaha spryjali dziaržaŭnamu pieravarotu», — zajaviŭ jon.
Jašče adnu porcyju abvinavačvańniaŭ i paprokaŭ Pucin adrasavaŭ uładam Ukrainy, abvinavaciŭšy ich u nievykanańni Minskich pahadnieńniaŭ.
Pa stanie na vierasień, pa źviestkach Hienštaba Ukrainy, na Danbasie vajujuć 6000 rasijskich kadravych vajennych i 35 tysiač bajevikoŭ, jakich finansava i technična padtrymlivaje Rasija.
