Padčas svajho vystupu ŭ parłamiencie 16 listapada Hieraščanka adznačyła, što suprać rezalucyi prahałasavali 23 krainy śvietu. «Siarod ich jość jak krainy, jakija, jak praviła, chvaravita staviacca da luboha abmierkavańnia pravoŭ čałavieka, tak i adkrytyja satelity Kramla», — skazała jana.
Pavodle jaje słoŭ, asabliva dla Ukrainy niepryjemnymi byli try hałasavańni: Armienii, Kazachstana i Biełarusi.
«My pavažajem prava Armienii i Kazachstana na ich asablivyja adnosiny z Rasijskaj Fiederacyjaj, my ŭsio razumiejem. Ale i ŭ siabroŭskich nam Armienii i Kazachstanie pavinny razumieć, što siońnia Ukraina i ŭkrainski narod vajujuć nie tolki za našu niezaležnaść. My adstojvajem prava ŭsich postsavieckich krain mieć niezaležnuju źniešniuju palityku», — zajaviła vice-śpikier.
«A što tyčycca pazicyi Biełarusi, to my rasceńvajem jaje jak nož u śpinu. My ŭdziačnyja biełaruskamu boku za niezaležnuju placoŭku ŭ Minsku [dla sustreč Trochbakovaj kantaktnaj hrupy], my cenim heta. Ale niezaležnaja placoŭka pavinna być niezaležnaj va ŭsich pazicyjach. A nie zaanhažavanaj… Tamu my źviartajemsia da Biełarusi z prośbaj pavažać prava Ukrainy adstojvać našu niezaležnaść i suvierenitet i razumieć, što nastupnym budzie Minsk, kali Kijeŭ nie abaronić svaju niezaležnaść», — zajaviła Hieraščanka.
Nahadajem, što 16 listapada ŭpieršyniu ŭ aficyjnych dakumientach AAN Krym i Sievastopal byli nazvanyja akupavanymi terytoryjami. Takaja farmuloŭka zamacavanaja ŭ rezalucyi «Situacyja z pravami čałavieka ŭ Aŭtanomnaj Respublicy Krym i horadzie Sievastopal (Ukraina)», inicyjavanaj Ukrainaj.
