Jak minimum 39 čałaviek zahinuli i kala 40 atrymali ranieńni ŭ vyniku napadu na načny kłub Reina ŭ Stambule, paviedamiŭ ministr unutranych spraŭ Turcyi Sulejman Sajle.
AFP
Pavodle jaho słoŭ, siarod zahinułych — 16 zamiežnikaŭ. Palicyja viadzie pošuki napadnika.
Raniej hubiernatar Stambuła Vasip Šachin paviedamlaŭ, što adzin z zahinułych byŭ palicejskim. Jon taksama nazvaŭ napad terarystyčnaj atakaj.
Šachin dadaŭ, što napad ździejśniŭ adzin uzbrojeny čałaviek u kaściumie Santa-Kłaŭsa.
Kłub Reina znachodzicca ŭ rajonie Biešyktaš. Paviedamlajecca, što ŭ momant napadu tam znachodzilisia niekalki sotniaŭ čałaviek.
Niekatoryja naviedvalniki kłuba ŭ panicy skakali ŭ Basfor, sprabujučy vyratavacca.
Kłub byŭ papularny nie tolki siarod miascovych žycharoŭ, ale i siarod zamiežnikaŭ.
