20 sakavika byŭ zatrymany aktyvist Dźmitryj Palijenka, piša spring96.org.
Pavodle infarmacyi vidavočcaŭ, jon pryjšoŭ da Centra izalacyi pravaparušalnikaŭ, kab pieradać pieradaču, zajšoŭ tudy, a nazad užo nie vyjšaŭ. Ciapier jon znachodzicca ŭ sudzie Zavodskaha rajona h. Minska.
Sudździa Viera Hałaŭkova pryznała aktyvista vinavatym pa art. 23.34 KaAP za ŭdzieł u abaronie Kurapataŭ 25 lutaha i asudziła na 15 sutak aryštu.
Pravaabaronca Nasta Łojka miarkuje, što zatrymańnie previentyŭnaje i źviazanaje z akcyjaj 25 sakavika ŭ Minsku.
10 sakavika Palijenka atrymaŭ 7 sutak aryštu za toje, što paśla ahučvańnia prysudu pa «spravie antyfašystaŭ» niekalki aktyvistaŭ pačali vykrykvać «Hańba!» i inšyja repliki na znak niazhody z rašeńniem sudździ nakont pakarańnia fihurantaŭ spravy.