Nihieryjec Muchamed Bieła Abubakar, jaki ŭziaŭ u žonki 86 žančyn, raić inšym mužčynam ni ŭ jakim razie nia brać ź jaho prykład.
Były školny nastaŭnik i musulmanski prapaviednik kaža, što ŭžyvajecca z svaimi žonkami j 170 dziećmi tolki z boskaj dapamohaj.
«Zvyčajny mužčyna nia vytrymaŭ by dziesiaci žonak i pamior by, ale maje siły daŭ mnie Ałach. Tolki tamu mnie ŭdajecca davać rady ŭsim», — raskazaŭ u interviju žurnalistam 84‑hadovy Muchamed Bieła.
Nihieryjec, jaki taksama viadomy jak hojnik, kaža, što nikoli nie šukaŭ sabie žonak: žančyny sami prychodzili da jaho.
Pavodle musulmanskich zakonaŭ, mužčyna moža mieć čatyroch žonak u vypadku, kali jon adnolkava dobra kłapocicca pra ich.
Adank Muchamed Bieła inakš traktuje śviatoje pisańnie:
«U maim razumieńni Karan nie ŭstaloŭvaje nijakich miežaŭ u hetym pytańni: usio zaležyć ad taho, kolki ty sam hatovy achviaravać, kolki sił i zdolnaściaŭ u ciabie jość», — kaža nihieryjec.
Bolšaść žonak 84‑hadovaha Muchameda praktyčna ŭ čatyry razy maładziejšyja za jaho, a niekatoryja ź ich navat maładziejšyja za jahonych dziaciej.
Na pytańnie, čamu jany vyrašyli vyjści zamuž za Abubakara, žančyny jak adna adkazvali, što zrabili heta pa prośbie Boha paśla taho, jak Muchamed vylečyŭ ich ad roznych chvarob. Samaje cikavaje, što šmatlikija žycharki haremu na svajo žyćcio nia žalacca j ličać Muchameda idealnym mužam.
