Ułady ZŠA abjavili pra ŭzmacnieńni mier biaśpieki na avijarejsach z-za miažy. Hetyja miery, jak adznačajecca, nakiravany na toje, kab na bort samalota nie mahli patrapić vybuchovyja rečyvy.
Pašyranyja miery biaśpieki nie zakranuli, čaho aścierahalisia šmatlikija, zabarony na pranos na bort samalota noŭtbukaŭ.
U sakaviku hetaha hoda ZŠA zabaranili pranosić na bort «elektronnyja pryłady bolšyja za smartfon» na rejsach z Turcyi, Maroka, Iardanii, Jehipta, AAE, Katara, Saudaŭskaj Aravii i Kuviejta, jak padkreślivałasia, z bojazi, što ŭ takich pryładach mohuć być zamaskiravanyja bomby.
U toj ža čas, novyja miery biaśpieki praduhledžvajuć uzmacnieńnie nadhladu na rejsach z usich 105 krain śvietu, adkul lotajuć samaloty ŭ ZŠA.
Avijakampanijam dadziena try miesiacy na padrychtoŭku da hetych mier nadhladu, inakš im mohuć być zabaronienyja paloty ŭ ZŠA.
Takim čynam, uzmocnienyja pavierki zakranuć pasažyraŭ dvuch tysiač avijarejsaŭ, štodnia prybyvajuć u ZŠA z 280 aeraportaŭ śvietu.
