Kamentar Redakcyi.
Vyniki ŭ vybarčych pratakołach 28 vieraśnia pradkazalnyja, časam da doli siamidziasiataha pracenta.
Vialikuju palityčnuju frustracyju pieražyvajuć tyja prastadušnyja kandydaty, jakija ŭ niejki momant, kupiŭšysia na źlivy infarmacyi, ščyra pavieryli, što ich mohuć «puścić» u pałatu.
Zrešty, ciažka skazać, chto prajhraŭ bolš: chto dabivaŭsia ŭdziełu da paraznaha kanca ci chto arhanizoŭvaŭ bajkot, ale zdoleŭ vyvieści na vulicu tolki tysiaču čałaviek i nia daŭ vartych davieru dokazaŭ falsyfikacyi jaŭki choć pa adnoj akruzie.
Zatoje
vyjhrali tyja, chto hulaŭ pa svaich praviłach, a nie naviazanych: Bahdankievič, Dabravolski, Jahorava, Barščeŭski, Janukievič, a taksama Paźniak.
Naiŭnym u palitycy nia miesca. Viadoma, palityčnuju adkaznaść paniasuć nie šarahovyja bajcy z rehijonaŭ, jakija vykarystali vybary, kab nahadać ludziam — apazycyja žyvaja i samim faktam svajho isnavańnia vymušaje ŭłady ličycca z žadańniami ludziej, adkažuć tyja lidery, jakija ŭmiejuć tolki čakać la mora pahody, a la Płoščy — ekanamičnaha kryzisu.
Hety kamentar pišacca a pieršaj hadzinie nočy. I viedajecie, što šakuje najbolš — choć heta noč padliku hałasoŭ, noč analizu vynikaŭ palityčnaj kampanii, pierastali adkazvać telefony absalutnaj bolšaści kandydataŭ i načalnikaŭ ichnych štaboŭ. Śpicie spakojna, šanoŭnyja palityki.