TAA SP «Baltic Oil Terminal», jakoje ŭvachodzić u strukturu chołdynhavaj kampanii DINAZ, i kancern «Biełnaftachim» płanujuć pabudavać naftanaliŭny terminał na terytoryi Ryžskaha svabodnaha porta.Ab hetym na pasiadžeńni łatvijska-biełaruskaha inviestycyjnaha forumu zajaviŭ prezident chołdynhavaj kampanii DINAZ Mikałaj Jermałajeŭ.
Pavodle jaho słoŭ, ciapier prajekt znachodzicca na razhladzie Minekanomiki. «Ministerstva ažyćciavić ekśpiertyzu prajekta i, spadziajusia, da kanca hoda prymie rašeńnie», — skazaŭ prezident kampanii.
Mikałaj Jermałajeŭ adznačyŭ, što ŭ listapadzie maje być zamoŭleny prajekt achovy navakolnaha asiarodździa. Kali jon budzie hatovy i abaronieny, možna budzie pačynać budaŭnictva terminału.
Jano maje pačacca pry kancy 2009 hoda i zavieršycca ŭ 2011 hodzie. Košt prajekta składzie kala 170 młn jeŭra.Pry hetym doli kampanii TAA SP «Baltic Oil Terminal» i kancernu jon nie ahučyŭ, ale zapeŭniŭ, što heta budzie sumiesnaje pradpryjemstva na parytetnych pačatkach.
Terminał raźličany na pieravałku 10 młn t nafty i naftapraduktaŭ u hod. Jon raźmieścicca na placoŭcy 27 ha i budzie składacca z dvuch pryčałaŭ, ahulny abjom reziervuarnaha parku — kala 370 tys. kub. m. Praduhledžana prymać i zahružać/razhružać tankiery z dedvejtam da 80 tys. t.
Varta adznačyć, što
10 miljonaŭ tonaŭ — heta pałova ciapierašniaha ahulnaha spažyvańnia nafty Biełaruśsiu i bolš čym ahulnaje ŭnutranaje zapatrabavańnie biełaruskaj haspadarki ŭ nafcie na siońnia.Možna pradkazać, što taki abjom budzie całkam pakryvać unutranaje zapatrabavańnie biełaruskaj ekanomiki z ulikam jaje rostu da 2011 hodu. Zaŭvažna, što
terminał maje paŭstać adnačasova z pabudovaj Rasijaj naftapravodu BTS-2 u abychod Biełarusi.Nia vyklučana, što kali Rasija nie zdoleje zrealizavać takuju ambitnuju inviestycyju, to i prajekt terminału ŭ Ryzie moža lehčy pad sukno.
Nahadajem, što blizka ad miesca mahčymaha naftaportu prachodzić naftapravod Połacak-Ventśpiłs, jaki možna vykarystoŭvać i ŭ reversnym režymie.
