Jak paviedamiŭ na pres‑kanfierencyi 9 śniežnia namieśnik načalnika ŭpraŭleńnia arhanizacyi handlu i pasłuh Ministerstva handlu Andrej Novikaŭ, jołačnyja bazary sioleta, u zaležnaści ad rehijonaŭ, buduć adkryvacca da 23 śniežnia, ich praca zavieršycca napiaredadni Novaha hoda, 31 śniežnia. Pavodle papiaredniaj infarmacyi, u Biełarusi budzie arhanizavany prodaž naturalnych jalinak na 663 handlovych placoŭkach.
U Minsku prodaž śviatočnych drevaŭ budzie pravodzicca na 10 jołačnych bazarach va ŭsich rajonach horada. Aprača taho buduć arhanizavanyja dadatkovyja miescy prodažu.
Pavodle słoŭ A.Novikava, pakupniki taksama atrymajuć mahčymaść nabyć dva vidy jalinak u kadkach koštam ad 50 tys. da 200 tys. rubloŭ vyšynioj ad 50 sm da 3 m.
Z pačatku śniežnia ŭ mahazinach i na rynkach viadziecca prodaž štučnych jołak i sasonak. U zaležnaści ad vyšyni ich cana vahajecca ad 10 da 300 tys. rubloŭ. Pakupnikam prapanoŭvajecca bolš jak 50 vidaŭ hetaj pradukcyi ajčynnaj i impartnaj vytvorčaści.
