Takija ličby nazvaŭ u aŭtorak kiraŭnik śledčaha kamiteta Rasii Alaksandr Bastrykin. Hibiel hetych ludziej udałosia dakumientalna zafiksavać.
Nie pryvodzicca źviestak, kolki z 162 žycharoŭ samaabvieščanaj krainy byli bajcami najmanych uzbrojenych častak, a kolki — mirnymi žycharami.
Nahadajem, što nieŭzabavie paśla pačatku vajennaj apieracyi ŭ Paŭdniovaj Asiecii raśsijskija ŭłady nazyyvali kudy bolšuju ličbu zahinułych — bolš za paŭtary tysiačy čałaviek. Pavodle źviestak samoj Paŭdniovaj Asiecii, u kanflikcie z Hruzijaj zahinuli bolš za 2 tys. mirnych hramadzian.
Hruzinski bok ahučyŭ svaje straty jašče 19 žniŭnia: zahinuła 215 hramadzianaŭ, ź ich 69 mirnych žycharoŭ. Paraniena było 1469 čałaviek. 70 vajskoŭcaŭ ličacca źnikłymi biaz viestak, da ich liku naležać 9 niabožčykaŭ, raspaznać jakich nie ŭdałosia.
Adrazu paśla kanfliktu namieśnik načalnika Hienštabu Rasiei Anatol Nahavicyn nazyvaŭ bolšuju ličbu strataŭ siarod rasijskich vajskoŭcaŭ: 74 zabityja, 171 paranieny, 19 čałaviek prapali bieź viestak.
Nie vyklučana, što ličby, nazvanyja Bastrykinym, byli skarektavanyja ŭ bok pamianšeńnia, bo Rasija nastojvała, što hruzinskaja apieracyja była skiravanaja suprać mirnaha nasielnictva, tady jak Tbilisi nastojvaje, što ŭdary nanosilisia pieravažna pa vajskovym pazicyjam.
