Aleh Ciahnibok — novy lider ukrainskaj pravicy. Foto Focus
Abjadnańnie «Svaboda» niečakana nabrała bolšaść hałasoŭ na miascovych vybarach.
Niespadziavanym vynikam zakončylisia vybary ŭ abłradu Tarnopalskaj vobłaści na Zachodniaj Ukrainie. Z 34% hałasoŭ na ich pieramahli radykalnyja nacyjanalisty z abjadnańnia «Svaboda». Druhoje miesca zaniali prychilniki prezidenta Juščanki z partyi «Adziny centr» z 14%, treciaje — Partyja rehijonaŭ Janukoviča z 10%. Pravałam skončylisia vybary dla ciapierašniaj premjerki Julii Cimašenki, partyja jakoj sabrała tolki 8% hałasoŭ.
«Svabodu» ŭznačalvaje były deputat Viarchoŭnaj Rady Aleh Ciahnibok, jaki ŭ 2004 hodzie zasłužyŭ sabie sprečnuju reputacyju zajavaj na adras «maskaloŭ» i «žydoŭ». Tady mnohija rascanili jahonyja pavodziny jak pravakacyju, apłačanuju z Maskvy.
Na minułych vybarach u parłamient jon sabraŭ tolki 0,7%, a ŭ Kijeŭradu — mienš za 3%. Ciapier jon abčasaŭsia, ale ŭsio adno zajmaje pazicyi na krajnie pravym fłanhu. Vyhladaje, što ŭ čas kryzisu ŭkraincy, rasčaravanyja pavodzinami tradycyjnych partyj, źviazanych z bujnym kapitałam, źviarnuli svaje pohlady da tych, u kim bačać abaroncaŭ pieradusim nacyjanalnych intaresaŭ.
