Rasija maje namier zachoŭvać ilhotny režym pastavak enierharesursaŭ u Biełaruś.
Pra heta zajaviŭ premjer‑ministr RF Uładzimir Pucin 28 červienia na sustrečy ź liderami frakcyj Dziarždumy ŭ Nova‑Aharovie. «U najbližejšy čas my navažany padtrymku biełaruskaj ekanomiki zachavać, majučy na ŭvazie tendencyju vychadu na suśvietny ŭzrovień cen na enierhanośbity», — cytuje Pucina RIA Novosti.
Premjer adznačyŭ, što Biełaruś — adzinaja kraina, jakaja karystajecca ŭ Rasii prefierencyjami, kuplaje rasijskija resursy «pa cenach nižejšych za suśvietnyja, pa samych nizkich cenach u SND».
«Mienavita ŭ vyniku takoj palityki z našaha boku, — zajaviŭ Pucin, — Biełaruś stała adnym z najbujniejšych eksparcioraŭ naftapraduktaŭ na jeŭrapiejski rynak. Bo atrymlivaje našu naftu pa tannych taryfach i, majučy dosyć nizkija vyvaznyja pošliny na naftapradukty, zabiaśpiečvaje vysoki zbyt hetaj pradukcyi na suśvietnych rynkach z naftapraduktaŭ i hazachimi, atrymlivajučy značnyja srodki ŭ biełaruski biudžet».
«Heta — nie adziny kirunak padtrymki biełaruskaj ekanomiki», — padkreśliŭ rasijski premjer‑ministr.