Čarhovy epidemičny ŭzdym zachvorvańnia na VRI i hryp čakajecca ŭ Biełarusi ŭ kancy studzienia — pačatku lutaha.
Pra heta paviedamiła hałoŭny epidemijołah Ministerstva achovy zdaroŭja Ina Karaban 18 śniežnia na kanfierencyi ab situacyi z zachvorvańniem na VRI i hryp, jakaja prachodzić u Minsku.
Pavodle jaje słoŭ, miedyki čakajuć
raspaŭsiudžańnia u tym liku pandemičnaha virusu A (H1N1).
«Bolšaść u Biełarusi ź im jašče nie sutykałasia, i imunitet u nasielnictva nie vypracavany», — patłumačyła Karaban. Pry hetym jana nie zmahła sprahnazavać, jakija mienavita maštaby prymie epidemija.
Karaban paviedamiła, što, u adpaviednaści sa źviestkami SAAZ, u 90% vypadkaŭ hryp praciakaje ŭ lohkaj i siaredniaj stupieni ciažkaści, pryčym u mnohich navat biez kliničnych prajaŭleńniaŭ.
Na kanfierencyi miedyki płanujuć abmierkavać mahčymaści pa pryniaćci dadatkovych supraćepidemičnych mier.
Pavodle źviestak Ministerstva achovy zdaroŭja,
na 23 listapada ŭ Biełarusi byli łabaratorna paćvierdžany 179 vypadkaŭ zachvorvańnia na pandemičny hryp A (H1N1), u tym liku za čas epidemičnaha ŭzdymu zachvorvańnia — 153 vypadki.
Na 10 śniežnia, pavodle vynikaŭ manitorynhu cyrkulacyi virusaŭ VRVI, jaki pravodzicca Nacyjanalnym centram pa hrypie i jaho apornymi bazavymi łabaratoryjami, siarod daśledavanych z 1 kastryčnika 2009 hoda prob bijałahičnaha materyjału chvorych na VRVI ŭ 66,9% hryp vyjaŭleny nie byŭ. Ź liku stanoŭčych prob u 34,7% vypadkaŭ paćvierdžany hryp A, u 3,5% — hryp V, u 10,1% — virusy parahrypu, u 16,8% — adenavirusy, u 17,7% — reśpiratorna‑sintycyjalny virus, u 15,8% — źmiešanaja infiekcyja.