U Kalinkavickim rajonie zamierz navučeniec Paleskaha ahrarnaha kaledža imia V.F.Mickieviča (Kalinkavičy).
Jak paviedamili ŭ rajonnaj prakuratury, trup maładoha čałavieka znajšli ranicaj 4 studzienia rabotniki sielhaspradpryjemstva «Družba‑Aŭciuki» kala važnicy zierniesušylnaha kompleksu ŭ vioscy Syrad.
Padčas pravierki vyśvietliłasia, što studenta pieršaha kursa kaledža, žychara vioski Syrad, apošni raz bačyli žyvym pozna viečaram 31 śniežnia. Baćki zaniepakoilisia tym, što syn nie pryjšoŭ dadomu,
adnak siabry maładoha čałavieka padumali, što jon moh pajechać śviatkavać Novy hod u Kalinkavičy, tamu adrazu chłopca šukać nie stali.
2 studzienia baćki źnikłaha źviarnulisia ŭ milicyju z zajavaj. 4 studzienia, paśla vychadnych, rabočyja zierniesušylnaha kompleksu rasčyščali śnieh i znajšli cieła zamierzłaha chłopca. Vierahodna, jon zabłukaŭ u navahodniuju noč i zamierz.
Papiaredniaja pryčyna śmierci — pieraachaładžeńnie. Prakuratura pravodzić pravierku pa fakcie hibieli maładoha čałavieka.
