Stužki, padadzienyja na Open Call, mohuć stać častkaj Biełaruskaha konkursu 10-ha kinafestu. Filmy Biełaruskaha konkursu budzie aceńvać mižnarodnaje žury i vybiera pieramožcu, kažuć arhanizatary.
Sioleta arhanizatary kinafestu šukajuć filmy, zroblenyja biełarusami i biełaruskami ŭ 2023-2024 hadach u luboj krainie, u lubym žanry i luboha chronamietražu. Dakumientalnyja, ihravyja, hibrydnyja, animacyjnyja, karotkamietražnyja ci poŭnamietražnyja — usie filmy buduć razhledžanyja adborščykam Biełaruskaha konkursu dla ŭdziełu ŭ kinafiestyvali «Paŭnočnaje źziańnie».
Jubilejny fest «Paŭnočnaje źziańnie» projdzie z 4 pa 21 listapada. Kab prapanavać svoj film dla ŭdziełu, treba zapoŭnić nievialikuju formu da 1 žniŭnia. Kali ŭ vas uźniknuć pytańni, pišycie ŭ sacyjalnyja sietki prajekta Instagram, Telegram, FB ci na poštu [email protected].
Arhanizacyja i praviadzieńnie kinafiestyvalu — sprava zatratnaja: treba zrabić biełaruskija subtytry da filmaŭ, apłacić licenziju na online-stryminh, apłacić pravy na sami filmy, a taksama pracu kamandy.
Dobraja navina ŭ tym, što vy možacie dapamahčy: danat u lubym pamiery paspryjaje tamu, kab fest prajšoŭ jaskrava i maštabna.
