Frystajlist Alaksiej Hryšyn zavajavaŭ załaty miedal u łyžnaj akrabatycy. A naohuł užo majem u Vankuviery try miedali — rekord nacyjanalnaj kamandy.
30-hadovy biełaruski frystajlist Alaksiej Hryšyn zavajavaŭ załaty miedal XXI Zimovych Alimpijskich hulniaŭ u Vankuviery ŭ łyžnaj akrabatycy.
Spabornictvy prajšli ranicaj 26 lutaha pa minskim časie.
Alaksiej paśla pieršaj sproby byŭ na druhim miescy, ale pakazaŭ dobry vynik u druhoj sprobie dy pavodle dvuch sprobaŭ vyjšaŭ na 1-miesca — 248,41 bała.
Dahetul za časy vystupleńnia nacyjanalnaj kamandaj, a nie ŭ składzie zbornych SSSR ci Polščy, biełarusy zołata jašče nie zavajoŭvali.
Nahadajem, što ŭ 1994-m byli dva srebranyja miedali (Śviatłana Paramyhina ŭ bijatłonie, Ihar Žalazoŭski ŭ kańkach), u 1998-m — dźvie bronzy (Alaksiej Ajdaraŭ — bijatłon, Dźmitry Daščynski — frystajł),
u 2002-m u Sołt-Lejk-Sici Alaksiej Hryšyn zavajavaŭ bronzu, a ŭ 2006 h. u Turynie Dźmitry Daščynski — srebra ŭ frystajle.
Załatych miedaloŭ u nas pakul nie było
Takim čynam pad kaniec 14-ha dnia Alimpijady
biełarusy ŭ miedalnym zaliku ŭźnialisia z 23-ha na 15-y radok.
U čechaŭ, što iduć 14-mi, piać miedaloŭ: dva zołaty, try bronzy. Stolki miedaloŭ, jak i Biełaruś — zołata, srebra, bronza — majuć słavaki. Usiaho miedali zavajavali pradstaŭniki 26 krainaŭ. Da kanca Alimpijady zastalisia try dni.
Videa z pres-kanfierencyi paśla pieramohi (z sajta Priessboła)
