17 sakavika spaŭniajecca 20 hadoŭ z dnia vychadu pieršaha numaru haziety Tavarystva biełaruskaj movy imia Franciška Skaryny «Naša słova».
Jak nahadaŭ staršynia hramadskaha abjadnańnia Aleh Trusaŭ,
pieršy numar haziety pabačyŭ śviet 17 sakavika 1990 hoda.
Spačatku heta byŭ štomiesiačny biuleteń, zasnavany pieršym kiraŭnikom TBM Niłam Hilevičam, a ŭžo ŭ nastupnym hodzie hazieta stała vychodzić štotydniova, pačała pradavacca ŭ kijoskach i atrymała prava na padpisku praź dziaržaŭnuju sistemu raspaŭsiudu. U składzie redakcyi pad kiraŭnictvam piśmieńnika i žurnalista Erniesta Jałuhina pracavała bolš za dziesiać čałaviek. Abjom vydańnia składaŭ ad 8 da 12 staronak,
a nakład dasiahaŭ 20 tysiač asobnikaŭ. Hazieta mieła dziaržaŭnuju finansavuju padtrymku i vychodziła ŭ Minsku.
Adnak paśla refierendumu 1995 hoda i źmieny dziaržaŭnaj palityki ŭ halinie padtrymki biełaruskaj kultury, adukacyi i movy, u kancy 1996 hoda dziaržaŭnaje finansavańnie haziety spyniłasia. Isnavańnie vydańnia apynułasia pad pahrozaj i niekalki miesiacaŭ jano nie vychodziła. «U hety čas vyrašaŭsia los i samoha abjadnańnia», — padkreśliŭ Trusaŭ.
Pavodle jaho słoŭ, dziakujučy namahańniam novaha kiraŭnictva TBM, jakoje ŭznačaliŭ Hienadź Buraŭkin, arhanizacyja zachavałasia, i paŭstała pytańnie ab adnaŭleńni dziejnaści haziety na hramadskich pačatkach. «U hety niaprosty čas adkaznaść za los vydańnia ŭziaŭ na siabie były aficer, padpałkoŭnik, ščyry biełaruski patryjot Stanisłaŭ Sudnik.
Z vosieni 1997 hoda i pa siońniašni dzień «Naša słova» vychodzić u Lidzie (Hrodzienskaja vobłaść), dzie žyvie i pracuje jaje niaźmienny redaktar.
Hazieta vydajecca tolki na hramadskich pačatkach, biez apłaty pracy redaktara i žurnalistaŭ,
ale jana maje svoj admietny tvar i dobra viadomaja jak u Biełarusi, tak i za jaje miežami», — skazaŭ Trusaŭ.
Pavodle jaho słoŭ, padrabiaznuju infarmacyju pra historyju «Našaha słova» možna pračytać u jaje 954‑m numary ad 16 sakavika. Kalarovy i ŭdvaja bolšy pa abjomie za zvyčajnyja, śviatočny numar haziety nadrukavany nakładam 2 tysiačy asobnikaŭ. Staršynia TBM ličyć, što hałoŭnym padarunkam haziecie stanie pašyreńnie padpiski na jaje siarod biełarusaŭ krainy i zamiežža.
