U lipieni Biełaruś i Rasija mohuć padpisać pahadnieńnie ab padrychtoŭcy piersanału i budaŭnictvie biełaruskaj AES. Pra heta paviedamiŭ pieršy vice‑premjer Biełarusi Uładzimir Siamaška,
vystupajučy 30 červienia na sumiesnym pasiadžeńni dźviuch pałat Nacyjanalnaha schodu.
«Ciapier my znachodzimsia na stadyi abmierkavańnia i vychadu na padpisańnie pahadnieńnia ab navučańni piersanału i budaŭnictvie AES. Ja spadziajusia, što ŭ lipieni budzie mahčymaść jaho padpisańnia», — skazaŭ Siamaška.
Pavodle jaho słoŭ, da 1 lipienia 2011 hoda ŭžo płanujecca pačać bietonnyja raboty na miescy budaŭnictva stancyi.
Siamaška nahadaŭ pra abiacańnie, dadzienaje premjer‑ministram RF Uładzimiram Pucinym, ab tym, što Rasija vydzielić kredytnuju liniju, kali biełaruskaja AES budzie budavacca pavodle rasijskaha ŭzoru.
«Heta ŭzajemavyhadny prajekt», — padkreśliŭ pieršy vice‑premjer Biełarusi.
0
0
0
0
0
0
