U błohach i na aŭtaforumach źjaviłasia infarmacyja pra mahčymaje pavyšeńnie roźničnych cenaŭ na paliva.
Tak, na hrodzienskim błohu s13 paviedamlajecca, što niekatoryja aŭtazapraŭki abłasnoha centra pryjšła infarmacyja pra novyja ceny na paliva. Zhodna hetaj infarmacyi roźničnyja ceny na paliva vyrastuć bolš čym na 10%:
95 — 3630 (3240*)
92 — 3210 (2870*)
80 — 2520 (2250*)
DT — 2890 (2580*)
* — aktualnyja ceny pavodle kancerna «Biełnaftachim».
Aŭtar dopisu śćviardžaje, što pavyšeńnie roźničnych cenaŭ na paliva adbudziecca da kanca lutaha.
Takija samyja ličby źjavilisia na forumie partała Onliner.by.
Pres-sakratar kancerna Maryna Kaściučenka paviedamiła «NN», što nie vałodaje aficyjnaj infarmacyjaj pra mahčymaje pavyšeńnie roźničnych cenaŭ na paliva.
U pačatku lutaha u «Biełnaftachim» pavysiŭ aptovyja ceny na asobnyja vidy naftapraduktaŭ. Pry hetym było zajaŭlena, što cana paliva na zapraŭkach, što naležać kancernu, u najbližejšy čas zastaniecca raniejšaj.
Nahadajem, što apošni raz roźničnyja ceny na paliva źmianilisia 12 maja 2010 h. Tady rost skłaŭ 6—8%.
