19:00
Sudździa spyniła čytańnie materyjałaŭ spravy. Nastupnaje pasiedžańnie suda pa spravie Mikity Lichavida pačniecca zaŭtra, 24 sakavika, a 10.00.
18:45
Prakuror začytaŭ pratakoł pieratrusu ŭ kvatery Lichavida. Pavodle jaho, byŭ vyniaty kampjutar, notbuk, DVD-dyski, 17 asobnikaŭ ulotak.
18:30
U materyjałach spravy, jakija začytvaje prakuror, zhadvajecca sieryja z bolš jak 15 fota, na jakich čałaviek, nazvany Statkievičam (albo Stankievičam) nibyta ažyćciaŭlaje šturm Doma ŭrada. Taksama, kaža prakuror, jość niekalki fota, na jakich "adlustravanyja supraćpraŭnyja dziejańni Lichavida"
18:12
Pavodle materyjałaŭ spravy, na rečach, znojdzienych na Płoščy, jość dastatkova šmat adbitkaŭ palcaŭ. Adnak bolšaść ź ich nieprydatnyja dla identyfikacyi asoby.
18:00
Prakuror začytvaje śpis rečaŭ, znojdzienych na Płoščy Niezaležnaści. Siarod ich pieravažna butelki ad vady "Banakva", ściahi, tronki ad ich, vudy. Taksama na Płoščy, pavodle pratakołu, było znojdziena 65 kavałkaŭ armatury, frahmient truby, dva ledaruby, draŭlanyja pałki.
17:47
Na hetym dopyt śviedki skončyŭsia. Prakuror ahałošvaje materyjały spravy.
17:45
Taksama Mikita Lichavid paviedamiŭ sudździ, što bačyŭ Bahdanava ŭ Centry izalacyi pravaparušalnikaŭ. Sa słovaŭ Mikity, Bahdanaŭ chadziŭ pa kalidory Centra z kipaj papieraŭ. Na Bahdanavu nie było milicejskaj formy, jon byŭ apranuty ŭ čornaje.
17:42
Lichavid zadaje pytańni Bahdanavu. Sprabuje vyśvietlić, jak i kali Bahdanaŭ afarmlaŭ jaho ŭ Centry izalacyi pravaparušalnikaŭ. Bahdanaŭ nie daje kankretnych adkazaŭ. Kaža tolki, što pamiataje "dziciačy tvar" Lichavida. Sam Mikita śćviardžaje, što Bahdanaŭ nie zatrymlivaŭ jaho i navat nie składaŭ pratakoł. Lichavid kaža, što pamiataje taho, chto jaho "afarmlaŭ". I što navat maje śviedku -- inšaha zatrymanaha na Płoščy.
17:30
Bahdanaŭ paviedamiŭ sudu, adkul zrazumieŭ, što Lichavid źjaŭlajecca ŭdzielnikam biesparadkaŭ. Kaža, što zrazumieŭ heta, kali pabačyŭ padsudnaha ŭ Centry izalacyi pravaparušalnikaŭ. Jon taksama kaža, što
składaŭ pratakoł na Lichavida hruntujučysia na tym, što bačyŭ na Płoščy, choć samoha Lichavida nie bačyŭ.
Advakatka zapytała ŭ Bahdanava,
ci razumieje jon adkaznaść za toje, što skłaŭ pratakoł zatrymańnia z takimi vialikimi parušeńniami. Bahdanaŭ adkazaŭ: "Nie, nie razumieju".
17:25
Akazałasia, što ŭ pratakole, składzienym śledčym padčas rasśledavańnia spravy, zapisana, što Bahdanaŭ paviedamiŭ, nibyta źjaŭlajecca śviedkam supraćpraŭnych dziejańniaŭ Lichavida. Advakat ukazała na hetaje niesupadzieńnie sudździ -- bo siońnia Bahdanaŭ kazaŭ, što nie bačyŭ Lichavida na Płoščy.
17:22
Advakatka sprabavała daviedacca ŭ Bahdanava, što jon rabiŭ paśla taho, jak pakinuŭ Płošču: dzie afarmlaŭ pratakoł na Lichavida. Sudździa ž paličyła, što hetyja pytańni nie tyčacca spravy i źniała ich.
17:20
Advakat pytaje ŭ Bahdanava, jak jon pravodziŭ zatrymańni. Adnak śviedka kaža, što nie pamiataje i nie viedaje, adkul i kudy jon vadziŭ zatrymanych: "U mianie z saboj nie było chadamiera".
17:05
Advakatka praciahvaje dopyt Bahdanava, adnak jon nie adkazvaje na bolšaść pytańniaŭ. Asabliva błytajecca ŭ tym, što, dzie i kali rabiŭ na Płoščy. «Tam byli takija ŭmovy, što adnu chvilinu možna było adčuvać jak paŭhadziny», — tłumačyć jon.
16:55
Advakat zapytała ŭ śviedki, jakija dziejańni Lichavida jon naziraŭ na Płoščy Niezaležnaści. Bahdanaŭ nie adkazaŭ na pytańnie. Kaža, što pamiataje Lichavida tolki z pastarunka.
16:53
Prakuror apytvaje Bahdanava, pytaje, ci prymianiali śpiecnazaŭcy fizičnuju siłu, kab adcisnuć demanstrantaŭ ad prystupak Dama urada.
Śviedka paćviardžaje, što fizičnaja siła prymianiałasia. Taksama Bahdanaŭ raspavioŭ, što zatrymlivaŭ demanstrantaŭ, a na Lichavida afarmlaŭ dakumienty sam, ułasnaručna.Kaža, što Mikita Lichavid paśla zatrymańnia pavodziŭ siabie spakojna.
16:48
Bahdanaŭ byŭ siarod tych śpiecnazaŭcaŭ, jakija pieršymi padyšli da Doma urada, kab spynić bićcio škła. Jon śćviardžaje, što natoŭp byŭ ahresiŭny — mieŭ pałki, mietaličnyja pruty, «frahmienty vudaŭ», vahniahaśniki.
16:45
Vyklikany śviedka Alaksandr Bahdanaŭ. Jon kiroŭca PMSP.
16:41
Apytanyja ŭsie paciarpiełyja, prysutnyja na pasiadžeńni suda. Praŭda, niekatoryja śpiecnazaŭcy, učora zajaŭlenyja jak paciarpiełyja, siońnia ŭ sud nie źjavilisia.
16:38
Advakat padała chadajnictva ab tym, što varta zapisać kasietu, adźniatuju Karoŭkam 19 śniežnia. Jana ličyć, što videa moža być karysnym padčas pracesa. Sudździa pastanaviła razhledzieć chadajnictva paśla apytańnia ŭsich paciarpiełych.
16:35
Karoŭka — adziny ź śviedkaŭ, jaki paćvierdziŭ fakt pahromaŭ. Inšyja śpiecnazaŭcy ich nie bačyli. Karoŭka ž śćviardžaje, što bačyŭ jak bili vokny, raskidali śmiećcievyja baki.
16:33
Advakatka zapytała ŭ Karoŭki, dzie dziełasia zapisanaja im na Płoščy Niezaležnaści videakasieta.Jon nie zmoh adkazać, kamu jaje addaŭ. Kaža, što nie pamiataje.
16:26
Advakat sprabuje vyśvietlić u paciarpiełaha Karoŭki, ci bačyŭ jon Lichavida la pabitych voknaŭ Doma urada. Karoŭka, jaki volna pieramiaščaŭsia pa Płoščy, tearetyčna moh bačyć padsudnaha. Adnak Karoŭka nie zmoh skazać, bačyŭ jon Lichavida ci nie.
16:14
Paśla zakančeńnia akcyi Karoŭka zaŭvažyŭ, što ŭ jaho paškodžany nos. Jon źviarnuŭsia pa dapamohu da miedykaŭ i byŭ špitalizavany na 4 dni,
armatury i ledarubaŭ jon nie bačyŭ.
15:58
Nastupny paciarpieły — Jaŭhien Karoŭka.
19 śniežnia
jon byŭ u cyvilnym. Pačatku demanstracyi jon čakaŭ kala Makdonaldsa. Kali šeście dajšło da jaho, jon razam z usimi pajšoŭ na Płošču Niezaležnaści. Raskazvaje, što jon u cyvilnaj vopratcy, pavinien byŭ fiksavać pravaparušeńni.— byŭ ź videakamieraj, raskazvaje, što ŭ niejki momant ludzi pastavilisia da jaho varoža i niechzta mocna ŭdaryŭ jaho pa hałavie — Karoŭka navat straciŭ prytomnaść na niekatory čas.Jon vioŭ na Płoščy apieratyŭnyja zdymki
15:39
Nastupny paciarpieły — Dźmitryj Michałoŭ. Słužačy PMSP Minharvykankama.
Michałoŭ zbroi — ni chałodnaj, ni ahniastrelnaj — nie bačyŭ. Kaža tolki, što bačyŭ na supracoŭnikach PMSP ślady vykarystańnia paraškovaha vohnietušyciela.
15:32
Sudździa papraknuła advakatku ŭ tym, što jana zadaje adnolkavyja pytańni paciarpiełamu pa niekalki razoŭ. Advakat Darja Lipkina adkazała: «Ja chaču va ŭsim razabracca. Nie da kanca razumieju adkazy paciarpiełaha». Uźnikła karotkaja sprečka pamiž advakatam i sudździoj. Advakat paśla hetaha paprasiła ŭnieści ŭ pratakoł zaŭvahi sudździ, jakija jana ličyć nieabruntavanymi.
15:22
Novy paciarpieły.
Jon kaža, što kali ruchaŭsia šerah śpiecnaza, jon zhubiŭ svoj šlem i atrymaŭ pa hałavie kamniem ci kavałkam lda, jakija demanstranty kidali ŭ śpiecnaz, kaža, potym šlem znajšoŭ, i adzieŭ nazad na hałavu.
15:12
Paciarpieły: «Adzinaje, što ja bačyŭ — heta jak narod u kustarnik pabieh. Napeŭna, jany jaho pataptali».
Lichavid zapytaŭsia ŭ Huščy, čamu niekatoryja supracoŭniki narmalna čujuć cieraz šlem, a niekatoryja — nie. Toj adkazaŭ, što heta vyklikana naładkami hučnaści ŭ šlemafonie.
14:51
Sudździa pačała dopyt paciarpiełaha Leanida (?) Hušču.
Jon kaža, što
bačyŭ ledarub na Płoščy ŭžo tady, kali natoŭp razahnali. U rukach demanstarantaŭ jon nie bačyŭ nijakich pradmietaŭ.
Paciarpieły kaža, što natoŭp pavodziŭ siabie ahresiŭna — ad pahrozaŭ na adras milicyi da fizičnaha hvałtu. Ale jon nie nazvaŭ imionaŭ śpiecnazaŭcaŭ, u dačynieńni da jakich hvałt prymianiaŭsia. Jon kaža, što ludzi chacieli prarvacca da kaścioła sv. Symona i Aleny. Navošta, jon nie viedaje.
13:46
Abvieščany pierapynak da 14:45.
13:44
Ksiandzoŭ raspavioŭ, što šerah śpiecnaza, u jakim stajaŭ, nie dazvalaŭ ludziam prajści da mietro. Padčas śledstva jon zajaviŭ, što razam z kalehami nie puskaŭ demanstrantaŭ u Dom Urada. Sudździa i advakat abmiarkoŭvajuć hetu niestykoŭku.
13:34
Lichavid pytajecca ŭ Ksiandzova, jak dakładna sadrali ź jaho šlem. Śpiecnazaviec tłumačyć, što šlem možna lohka sarvać, paciahnuŭšy jaho zzadu ŭvierch.
13:29
Pačaŭsia dopyt čarhovaha paciarpiełaha — Ksiandzova. Jon raskazaŭ, jak jaho bili na Płoščy: «Kali my pašychtavalisia ŭ šerah, to hrupa z 30 čałaviek, maładych ludziej, pasprabavała prarvać šerah. Rabili try sproby. Padčas adnoj sproby im udałosia sarvać moj šlem i ŭdaryć mianie ŭ tvar».
13:26
Lichavid spytaŭsia ŭ Lisoŭskaha, jakim byz jaho maralny stan na Płoščy. Toj skazaŭ, što ŭpieršyniu bačyŭ stolki ludziej, adčuvaŭ napružanaść. Pryznaŭ, što mahčyma heta stała pryčynaj hałaŭnoha bolu, ź jakim jon źviarnuŭsia da lekara paśla razhonu demanstracyi.
13:09
Nastupny paciarpieły — Vasil Lisoŭski. Jon nie bačyŭ u demanstrantaŭ zbroi — tolki pałki i plaški z vadoj. Pra pahromy jon taksama ničoha paviedamić nie moža. Lichavida jon nie viedaje i na płoščy nie bačyŭ.
Jon paćviardžaje słovy inšych paciarpiełych, što ludziej z Płoščy razhaniali ŭnutranyja vojski. Śpiecnaz tolki padzialiŭ natoŭp na niekalki častak.
12:59
Lichavid zadaŭ pytańnie śpiecnazaŭcu. Jaho cikavić, jakim čynam paciarpieły moh atrymać udar u pravaje kalena ad demanstrantaŭ, kali śpiecnaz ruchaŭsia dvuma šerahami, a paciarpieły byŭ ŭ u levym. Paciarpieły śpiecnazaviec nie viedaje dakładnaha adkazu. Jon ličyć, što demanstranty kinuli niejki pradmiet, jon prałciajeŭ praz šžrah śpiecnaza i ŭdaryŭ paciarpiełaha ŭ kalena.
Paśla hetaha pytańnia Lichavida sudździa, prakuror i advakat taksama zacikavilisia akaličnaściami zdareńnia.
12:42
Pačynajecca dopyt Vadzima Śmirnova — śpiecnazaŭca PMSP. Jon paviedamiŭ, što demanstranty vykrykvali łozunhi «niecharošaha charaktaru — Sychodź!».
12:39
Paraj bačyŭ u demanstrantaŭ tolki draŭlanyja pałki i vudački. Zaklikaŭ razyścisia nie čuŭ. Kaža, što na Płoščy Niezaležnaści byŭ z 22 hadziny da
Paraj raskazaŭ, što pabačyŭ na hanku Doma Urada: «Kali ja tudy padyšoŭ, to prykładna 10 čałaviek skančali bić škło ŭ voknach. Ich akružył fotareparciory, jakija staralisia sfatahrafavać raźbitaje škło».
12:28
Paciarpieły Huščyk pahromaŭ i padpałaŭ nie bačyŭ, da Lichavida pretenzij nie maje — jon jaho na Płoščy nie bačyŭ.
Zaraz pačynajecca dopyt paciarpiełaha Siarhieja Paraja.
12:21
U śpiecnazaŭca, jaki siadzieŭ u pieršym šerahu, hučna zazvaniŭ telefon. U jakaści rynhtona na im była tureckaja etničnaja miełodyja. Sudździa aburyłasia i zahadała milicyjanieru vyklučyć telefon. «Tak jon vyklučany», — adkazaŭ jon.
12.08
Huščyk raskazaŭ, jak śpiecnaz upieršyniu vyjšaŭ na płošču Niezaležnaści. Pavodle jaho słovaŭ, śpiecnazaŭcy sprabavali abaranić dźviery Doma urada i vielmi chutka zabiahali na hanak. Adnak jon byŭ nadzvyčaj ślizkim i šmat chto ź milicyjantaŭ praślizhnuŭsia na im i na ŭłasnym ščycie źjazdžaŭ u natoŭp demanstrantaŭ. Siarhiej Huščyk taksama raspavioŭ, što atrymaŭ udar ledarubam (admysłovaj pryładaj, pryznačanaj dla źbićcia lodu z chodnikaŭ). Paśla ŭdaru jon upaŭ.
12.05
Pačaŭsia dopyt paciarpiełaha Siarhieja Huščyka. Śpiecnazaviec, kamandujučy adnym z adzialleńniaŭ PMSN Minharvykankama. Raskazvaje, što atrymoŭvaŭ kamandy pieramiaščacca pamiž płoščaj Niezaležnaści i rezidencyjaj kiraŭnika krainy.
12.02
Paciarpieły Tarasievič, jak i jaho papiaredniki, paśla dačy pakazańniaŭ paprasiŭ sudździu adpuścić jaho. Prośbu sudździa Pykina sustreła emacyjna: «Vy tak zaraz usie sydzicie! Chto zastaniecca. Možna adprošvacca z pasiedžańniaŭ tolki ŭ vyklučnym vypadku». Adnak syści Tarasieviču ŭsio ž dazvoliła.
11.57
Paciarpiełyja śpiecnazaŭcy zadramali. U zali suda kančatkova zapanavała ciša — heta kardynalna adroźnivaje siońniašniaje pasiedžańnie ad učarašniaha, kali sudździa trojčy supakojvała milicyjantaŭ, jakich vielmi viesialili pakazańni svaich kaleh.
11.50
Pačynajecca dopyt paciarpiełaha Tarasieviča. Tarasievič, jak i niekatoryja inšyja śpiecnazaŭcy, raskazvaje što napačatku jany achoŭvali rezidencyju Łukašenki. Kaža, što paśla pačatku šturma Domu Urada im pastupiła kamanda pieramiaścicca na płošču Niezaležnaści i adciaśnić demanstrantaŭ ad dźviarej budynka.
11.45
Sudździa vyniesła papiaredžańnie advakatcy D.Lipkinaj. Apošniaja sprabavała vyśvietlić, jakim čynam śpiecnaz pravodzić raśsiakańnie natoŭpu, ci prymianiaje pry hetym fizičnuju siłu. Prakuror uhledzieŭ u pytańni advakata nacisk na paciarpiełaha i praprasiŭ sudździu pakarać D.Lipkinu papiaredžańniem.
11.42
Žyźnieŭskamu demanstranty na płoščy Niezaležnaści nanieśli «ušyb rebraŭ». Adnak pahromaŭ i zbroi ŭ ich rukach jon nie pabačyŭ. Što praŭda čuŭ, jak mitynhujučych prasili raziścisia.
11.35
Sudźzia vyklikała nastupnaha paciarpiełaha — śpiecnazaŭca Siarhieja Žyźnieŭskaha. Jon Lichavida taksama nie paznaŭ. Kaža, što nieznajomy ź im, upieršyniu pabačyŭ učora.
11.18
Advakat Lipkina zapytała ŭ Pałavinkina, što rabili demanstranty na płoščy Niezaležnaści. Jon raskazvaje: «Razmaŭlali pamiž saboj, hukali łozunhi, machali ściahami, bolš ničoha». «Vy bačyli pahromy, sutyknieńni ź milicyjaj?», — pytaje advakat? «Nie. Ja takoha nie bačyŭ. Pieramiaščaŭsia pa pierymietru płoščy Niezaležnaści i ničoha nie zaŭvažyŭ. Tam, dzie bili škło, ja nie byŭ», — adkazvaje Pałavinkin.
11.15
Pałavinkin raskazaŭ, jak jaho pabili. Kali na płoščy Niezaležnaści pierastała pracavać mabilnaja suviaź, jon byŭ vymušany skarystacca słužbovaj racyjaj dla taho, kab pieradać paviedamleńni kiraŭnictvu. Heta zaŭvažyŭ niechta z demanstrantaŭ i źnianacku nanios jamu ŭdar kułakom u tvar. «Ja pryjšoŭ u zamiašalnictva», — kaža Pałavinkin.
11.07
Pačaŭsia dopyt paciarpiełaha Andreja Pałavinkina. Jon słužačy PMSP MInharvykankama, jak i astatnija paciarpiełyja. Pałavinkin adrazu zajaviŭ, što abvinavačanaha Lichavida pieršy raz u žyćci ŭbačyŭ učora.
Pałavinkin byŭ na Płoščy ŭ cyvilnaj vopratcy — vykonvaŭ zahad kamandavańnia. Jon raspavioŭ cikavy fakt — kamandavańnie adrazu nakiravała jaho na płošču Niezaležnaści — na Kastryčnickaj jon uvohule nie byŭ. Jamu zahadali nazirać za demanstrantami — što jany niasuć, jak siabie pavodziać.
11.05
Pierapiejka nie bačyŭ na Płoščy faktaŭ uzbrojenaha supraciŭleńnia supracoŭnikam milicyi, pahromaŭ.
11.00
Advakatka D.Lipkina sprabuje vyśvietlić u paciarpiełaha Pierapiejki, jak doŭha jon byŭ na płoščy Niezaležnaści 19 śniežnia i jakimi byli apošnija atrymanyja im kamandy. Śpiecnazaviec nie adkazvaje na hetyja pytańni. Kaža, što mieŭ «vielmi emacyjny stan». Advakat taksama zapytałasia ŭ paciarpiełaha, čamu jon nie źjaviŭsia na miedekśpiertyzu. «Ja nijakich pazovaŭ na ruki nie atrymoŭvaŭ. Navošta mnie samomu tudy jechać? Praz try miesiacy na mnie ŭžo nijakich śladoŭ nie zastałosia. Navošta mnie tudy jechać?», — adkazaŭ jon.
10.50
Pierapiejka raspavioŭ prakuroru nastupnaje: «Kali my ruchalisia z boku kaścioła sv. Symona i Aleny, adzin z demanstrantaŭ pastaviŭ mnie padnožku, a druhi šturchnuŭ u śpinu. Ja ŭpaŭ. Tady mianie pačali bić rukami i nahami. Adbili mianie kalehi… Mnie asabista pahražali fizičnaj raspravaj, nazyvali fašystam. Pry hetym demanstranty vykrykvali roznyja łozunhi, u tym liku «Žyvie Biełaruś!».
10.46
Dapytvajuć paciarpiełaha Vitala Pierapiejku — śpiecnazaŭca PMSP Minharvykankama.
Varta zaŭvažyć, što jak i ŭčora, sakratarka praviaraje dakumienty va ŭsich paciarpiełych. Učora advakatka M.Lichavida Darja Lipkina nastajała na tym, kab asoby paciarpiełych parviaralisia.
10.45
Advakat Lipkina sprabavała vyśvietlić u paciarpiełaha Masalskaha, ci jon bačyŭ na Płoščy u rukach demanstrantaŭ zbroju — siakiery, štyry. Jon paviedamiŭ, što ničoha takoha nie bačyŭ. Raskazvaje tolki ab zaŭvažanim im ahni.
10.38
Mikita Lichavid siońnia vyhladaje takim ža badziorym, jak i ŭčora. Jon sieŭ bližej da kraju kletki, kab bačyć prysutnych u zali. Śpiecnazaŭcaŭ siońnia mienš i heta dazvoliła jaho maci sieści na niekalki šerahaŭ bližej da syna.
Akramia maci na pasiedžańni prysutničajuć rodnyja i siabry Mikity. Jany zaniali ŭvieś čaćviorty šerah — samy blizki z dazvolenych sakratarom.
10.30
Źmianšeńnie kolkaść śpiecnazaŭcaŭ u zali suda vielmi pazityŭna paŭpłyvała na dyscyplinu — staić cišynia i vyrazna čutno kožnaje słova.
Adnak niekatoryja paciarpiełyja ŭžo zadramali. Vidavočna, što udzieł u pracesie dla ich nie samy pryjemny i cikavy zaniatak.
10.23
Pačynajecca dopyt paciarpiełaha milicyjanta Masalskaha.
Paciarpieły raskazvaje: «Ja bačyŭ ahoń. Nie mahu skazać, što mienavita hareła, ale ja bačyŭ ahoń. Kali ja na jaho hladzieŭ, mianie vyciahnuli z šerahu. Ich było 3–4 čałavieki. Bili ŭ ščyt rukami, nahami i niečym ciažkim. Ja dumaju, što heta była pałka».
10.20
Sudździu Natallu Pykinu zacikaviŭ fakt, što paciarpieły Lavicki kaža ab nienaŭmysnaści naniesienaj jamu škody. U pratakole śledčaha paznačana, što jon paciarpieŭ mienavita ad naŭmysnych dziejańniaŭ demanstrantaŭ. Jana pačała zadavać dadatkovyja pytańni Lavickamu, što vyklikała pratest z boku advakata M.Lichavida Darji Lipkinaj. Paśla niepraciahłaj sprečki advakatka atrymała čarhovaje (užo druhoje) papiaredžańnie.
Miž tym paciarpieły Lavicki paŭtorna zajaviŭ sudździ, što ličyć udar ščytom vypadkovaściu.
10.07
Lavicki raskazvaje, što na Płoščy nie čuŭ, kab niechta zaklikaŭ demanstrantaŭ razychodzicca. Spasyłajecca na toje, što uvažliva słuchaŭ kamandy pa racyi. Milicyjant taksama nastojvaje, što na płoščy Niezaležnaści nichto nie nanosiŭ jamu naŭmysnych udaraŭ. Adzin z demanstrantaŭ, padajučy, začapiŭsia za ščyt Lavickaha, a ščyt udaryŭ jaho pa tvary. Śpiecnazaviec nastojvaje na tym, što hety byŭ vypadkovy šturšok. Jon nie ličyć siabie paciarpiełym ad masavych biesparadkaŭ, Mikitu Lichavida na płoščy Niezaležnaści jon nie bačyŭ.
10.00
Praces praciahnuŭsia. Sudździa apytvaje paciarpiełaha Lavickaha. Jon kiroŭca PMSN Minharvykankama. Lavicki, jak i šerah inšych paciarpiełych śpiecnazaŭcaŭ, užo prachodzili ŭ jakaści paciarpiełych na pracesach I.Haponava, A.Breusa i D.Miadźviedzia.
9.55
Rodnych, žurnalistaŭ i paciarpiełych zapuścili ŭ zalu. Kolkaść paciarpiełych śpiecnazaŭcaŭ značna skaraciłasia. I nie tolki za košt dziesiaci, apytanych učora. Sakratarka pasiedžańnia doŭha hukała śpiecnazaŭcaŭ pa kalidorach suda, adnak usie tak i nie sabralisia. Zaraz ich na sudzie prysutničaje 15.
U sudzie Partyzanskaha rajona Minska praciahvajecca razhlad spravy Mikaty Lichavida.
Praces pačaŭsia 22 sakavika, adnak u pieršy dzień sud zmoh vysłuchać pakazańni tolki dziesiaci z 29 paciarpiełych na Płoščy śpiecnazaŭcaŭ.
«NN» praciahvaje vieści
Nahadajem, što aktyvist Ruchu «Za svabodu» Mikita Lichavid byŭ zatrymany 19 śniežnia na płoščy Niezaležnaci i asudžany na 15 sutak aryštu ŭ Žodzinskim SIZA. Adnak 23 studzienia pastanova ab aryšcie była admieniena, i Mikita byŭ pieraviedzieny ŭ status abvinavačanaha pa spravie ab masavych biesparadkach. Z Žodzina jaho pieraviali ŭ minskuju «Vaładarku».
***
Abvinavačvanymi pa spravie ab masavych biesparadkach źjaŭlajucca 42 čałavieki. Siamiora ź ich užo asudžany: za ŭdzieł u masavych biesparadkach Vasil Parfiankoŭ pryhavorany da čatyroch hadoŭ pazbaŭleńnia voli ŭ kałonii strohaha režymu; Alaksandr Atroščankaŭ — da čatyroch hadoŭ u kałonii ŭzmocnienaha režymu; Dźmitryj Novik i Alaksandr Małčanaŭ — da troch z pałovaj i troch hadoŭ u kałonii ŭzmocnienaha režymu adpaviedna; hramadzianie RF Arciom Breus i Ivan Haponaŭ — da štrafu ŭ 300 bazavych vieličyniaŭ (10,5 młn. rubloŭ) kožny; Dźmitryj Miadźviedź — da troch hadoŭ abmiežavańnia voli biez nakiravańnia ŭ papraŭčuju ŭstanovu
