«Usie chočuć, kab Kadafi syšoŭ», — zajaviŭ siońnia žurnalistam vysokapastaŭleny pradstaŭnik ZŠA na ŭmovach ananimnaści. Pavodle jaho słoŭ, siły NATO ŭ apošnija dni pradprymajuć «bujnyja namahańni, nakiravanyja suprać abjektaŭ kamandavańnia i kiravańnia» vojskami Džamachiryi.
«Nichto nie pralje ni ślazinki», kali Kadafi zahinie z pryčyny ŭdaru pa adnym z takich bunkieraŭ, dadaŭ pradstaŭnik urada ZŠA.Taki punkt hledžańnia ŭskosna paćvierdziŭ siońnia karespandentu telekampanii CNN vysokapastaŭleny pradstaŭnik NATO, jaki vałodaje apieratyŭnymi dadzienymi ab misii ŭ Livii. Na jaho dumku, Kadafi źjaŭlajecca dla kaalicyi zakonnaj metaj udaraŭ z pavietra, a rezalucyja Rady Biaśpieki AAN 1973, što sankcyjanavała ŭžyćcio siły ŭ Livii, dazvalaje razhladać Kadafi ŭ jakaści abjekta bambavańniaŭ, pakolki jon źjaŭlajecca hałoŭnakamandujučym uzbrojenymi siłami i, adpaviedna, častkaj sistemy kiravańnia joj, jakuju rujnuje NATO.
Sam Kadafi zajaŭlaŭ, što jon nie maje namieru pakidać radzimu i choča «pamierci jak mučanik u svaim domie».
Za čas svajho kiravańnia Kadafi pierasvaryŭsia z mnohimi krainami śvietu. U adnych krainach jon arhanizoŭvaŭ terakty — jak padryŭ samalota nad Łokierbi. U druhich — finansavaŭ terarystaŭ ci antyŭradavych partyzanaŭ, jak u Irłandyi, Uhandzie i Sieniehale.U siabie na radzimie jon kiravaŭ adnaasobna, z aporaj na synoŭ, biez praviadzieńnia svabodnych vybaraŭ.
0
0
0
0
0
0
