Pavodle źviestak kiraŭnika Abjadnanaj hramadzianskaj partyi Anatola Labiedźki, jakoha schapili i pryvieźli ŭ turmu KDB paśla mitynhu 19 śniežnia, Ihar Azaronak na toj momant tam užo byŭ, choć aficyjna ličycca, što jaho zatrymali 20 śniežnia.
«Ja siadzieŭ u śledčym izalatary KDB, kali tam byŭ Azaronak, a taksama siadzieŭ ź ludźmi, jakija byli ź im raniej ŭ adnoj kamiery. Pra Azaronka byli tolki stanoŭčyja vodhuki.
Raskazvali, što ŭ noč z 19 na 20 śniežnia jon nie spaŭ, chadziŭ tudy-siudy i, vidać, čakaŭ, što buduć pieramieny.A pa-druhoje, kali ja ŭžo vyjšaŭ z «amierykanki» i razmaŭlaŭ ź ludźmi z abaronnaha viedamstva, to čuŭ nastupnaje. Siarod ich chodzić viersija, što jašče da 19 śniežnia pastupiŭ zahad usim padraździełam Minabarony być hatovymi da padaŭleńnia vystupleńniaŭ ludziej, ale jon adreahavaŭ na heta krajnie niehatyŭna i jamu za heta zrabili spravu, što jon nibyta chabar chacieŭ atrymać. Viedaju, što
ŭ «amierykancy» Azaronak pavodziŭ siabie absalutna prystojna. Čałaviek jon hodny i, kali tam źjavilisia hetyja «maski», ź im ŭźnikali vialikija prablemy, bo jon prosta admaŭlaŭsia padparadkoŭvacca niezakonnym zahadam».
Kali sudździ sychodzili z sudovaj zały, Ihar Azaronak paśpieŭ hučna skazać na ich adras: «Budźcie vy praklatyja, maryjanietki».Druhi asudžany Andrej Maškaŭcan prysud nijak nie prakamientavaŭ.
Advakat i svajaki Ihara Azaronka razmaŭlać z žurnalistami admovilisia. Prysud ustupaje ŭ dziejańnie ź siońniašniaha dnia, 12 śniežnia. Ciaham dziesiaci dzion asudžanyja mohuć padać tolki nahladnuju skarhu.
0
0
0
0
0
0
