Pamior futbalist Piatro Vasileŭski, čempijon SSSR 1982 hoda 10

fota football.by

Siońnia na 56-m hodzie žyćcia ŭ adnoj ź minskich balnic pamior viadomy biełaruski futbalist i trenier Piatro Vasileŭski.

Z 1973 pa 1984 hod jon vystupaŭ za minskaje «Dynama», u składzie jakoha ŭ 1982 h. staŭ čempijonam Savieckaha Sajuza i ŭvajšoŭ u lik 33-ch lepšych futbalistaŭ SSSR.

Z rodnaha «Dynama» Vasileŭski nienadoŭha syšoŭ u taškiencki «Pachtakor», paśla taho, jak letam 1979 hoda ŭźbiekskaja družyna zahinuła ŭ avijakatastrofie.

U 1980 h. forvard viarnuŭsia ŭ dynamaŭski kłub, a skončyŭ hulniavuju karjeru ŭ mahiloŭskim «Dniapry» ŭ 1985 h. U vyšejšaj lizie čempijanatu SSSR Piatro Vasileŭski pravioŭ 277 matčaŭ, zabiŭšy 59 miačoŭ.

Paśla zaviaršeńnia aktyŭnaj karjery Piatro Piatrovič pracavaŭ trenieram viciebskaha KIMa, a zatym u junackaj zbornaj Biełarusi.

Raniej z čempijonskaha składu «Dynama-82» pajšli z žyćcia Alaksandr Prakapienka, Viktar Janušeŭski i Jury Kurnienin.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH