Kancert Tuzin. Unplugged pieranosicca na 7 lutaha

Z techničnych pryčynaŭ, kancert u miežach prajektu «Tuzin. Unplugged», zapłanavany na 30 studzienia, pieranosicca na 7 lutaha. U hety dzień z svaimi akustyčnymi setami ŭ klubie «Hrafici» vystupiać hurty J: Mors i BosaeSonca, a taksama śpiavačka Palina Respublika,

pryznanaja partałam Tuzin. FM hałoŭnym adkryćciom u biełaruskaj muzycy ŭ 2011 hodzie. Arhanizatary pieraprašajuć za niazručnaści. Nabytyja kvitki na 30 studzienia buduć dziejnymi 7 lutaha.

Hurt BosaeSonca prosta fiejeryčna nahadaŭ pra siabie na pačatku hetaj zimy paśla paŭzy ŭ čatyry hady. Ich novaja kampazicyja «Zima» apynułasia ŭ liderach čartu, prapuściŭšy napierad tolki pieśni «Voplaŭ Vidaplasava» i «Lapisa Trubiackoha».

Hurt J: Mors dla vystupu na «Tuzin. Unplugged» rychtuje śpiecyjalnuju akustyčnuju prahramu.

«Pry składańni trek-lista my abaviazkova ŭličsm toje, što budziem hrać u nadzvyčaj intymnaj atmasfery, kali niama nijakaj miažy pamiž publikaj i artystam, ± kaža lider kamandy Uładzimir Puhač. — Heta vielmi adkazna i niaprosta vystupać na takoj blizkaj adlehłaści, tamu naš kancert budzie nahadvać u niečym śpievy la vohnišča». Pry hetym muzyka zaŭvažaje, što naŭmysna pakidaje momant impravizacyi: trek-list na hety viečar budzie składzieny pryblizny i moža źmianiacca ŭ zaležnaści ad reakcyi słuchačoŭ.

Śpiecyjalnym hościem viečaryny budzie Palina Respublika. 17-hadovaja śpiavačka syhraje niekalki piesień, jakija palubilisia ŭžo jaje prychilnikam.

Vieści imprezu budzie Aleh Chamienka.

Naviedniki kancerta majuć šaniec atrymać pryzy ad stałaha partniora «Tuzina Hitoŭ» — kampanii «Budźma biełarusami».

Kancert pačniecca ŭ 19.00 7 lutaha (aŭtorak) u minskim klubie «Hrafici» (zav. Kalinina, 16).

Košt kvitka — 100 000 rub. Nabyć kvitki možna ŭ kłubie zahadzia fl 18–00 da 22–00 štodnia, akrom suboty i niadzieli.

Infalinija: (29) 638-44-44, (33) 638-44-44.

Tuzin.fm

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH