Viečaram u aŭtorak pamiž barysaŭskim BATE i maskoŭskim «Spartakom» padpisana mižkłubnaja damova ab pierachodzie abaroncy Jahora Filipienki ŭ skład vaśmirazovych čempijonaŭ Biełarusi.
U sieradu 23-hadovy futbalist prylacić u turecki Bielek, dzie znachodzicca BATE na zbory, padpiša asabisty kantrakt dy prystupić da trenirovak u składzie svajoj staroj-novaj kamandy, paviedamlaje aficyjny sajt biełaruskaha kłuba.
***
Jahor Filipienka — hadavaniec minskaj «Źmieny», z 2005 h. vystupaŭ za dubl BATE, u 2007 h. — u asnoŭnym składzie, uvajšoŭ u lik 22-ch lepšych futbalistaŭ Biełarusi. U 2008 h. pierajšoŭ u maskoŭski «Spartak», za jaki ŭ 2008 h. pravioŭ 16 matčaŭ, zabiŭšy adzin miač. Nastupnyja try siezony pravioŭ u arendzie: u «Tomi», «Sibiry», a minuły hod — u arendzie ŭ «BATE».
Filipienka hulec maładziožnaj (a ciapier alimpijskaj zbornaj) Biełarusi. Na moładzievym čempijanacie śvietu 2011 h. zabiŭ adzin hoł: u matčy za 3-je miesca z čechami, što vyvieŭ biełarusaŭ na Alimpijadu ŭ Łondanie.
