«Lapis Trubiackoj» staŭ pryzioram hałoŭnaj rasijskaj rok-premii 3

Jak paviedamiŭ pradziusar Jaŭhien Kałmykoŭ,

«Lapis Trubiackoj» byŭ pradstaŭleny ŭ piaci naminacyjach, a pieramoh u troch, uklučajučy samuju prestyžnuju — «Hurt hoda».

Cyrymonija ŭručeńnia premii prajšła ŭ Maskvie 7 sakavika.

«Heta vielmi važnaja dla nas pieramoha, — zajaviŭ paśla atrymańnia ŭznaharod lidar biełaruskaha hurtu Siarhiej Michałok.

— „Lapisy“ — maleńki niezaležny anarcha-sindykat, my nie ŭvachodzim ni ŭ jakija šou-biznes-kłany, nie ŭdzielničajem u „zornych“ telešou, nie naviedvajem śvieckija raŭty, nie śpiavajem na prapłačanych mitynhach. I tym nie mienš nas pryznali najlepšym hurtom 2011 hoda — značyć, my na pravilnym šlachu».

Jašče dźvie naminacyi, u jakich pieramoh «Lapis Trubiackoj», — heta «Paezija» (pieśnia «Ja vieru», aŭtar słoŭ Siarhiej Michałok) i «Videa» (klip «Ja vieru», režysior Alaksiej Cierachaŭ).

Dla Cierachava, biełaruskaha klipmejkiera, jaki žyvie ŭ Kanadzie, heta ŭžo 13-ja ŭznaharoda, jakuju jon zavajavaŭ u tvorčym sajuzie z «Lapisami». A tym časam u vytvorčaść zapuščana čarhovaja sumiesnaja praca hurtu i režysiora, u jakoj hetym razam zmohuć uziać udzieł i prychilniki «Lapisa Trubiackoha».

Niadaŭna «Lapisy» abviaścili pra pačatak akcyi naŭprostavaha dziejańnia «Ty ni pry čym?», vynikam jakoj stanie videaklip na adnu z novych piesień kalektyvu.

Luby achvotny moža zrabić u svaim horadzie aŭtarskaje trafaretnaje hrafici. Kali hrafici spadabajecca muzykantam i režysioru Cierachavu, jano ŭvojdzie ŭ klip, a jaho aŭtar atrymaje ekskluziŭny padarunak ad hurtu «Lapis Trubiackoj».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH