Referendum inicyjavali salihorskija pradprymalniki, jakija žadajuć abmierkavać metazhodnaść pabudovy ŭ horadzie Ladovaha pałacu. Budučy spartovy abjekt majuć pabudavać na miescy haradzkoha rynku ŭ centry miesta.
Pradprymalniki padali dakumenty ŭ rajvykankam dla rehistracyi inicyjatyŭnaje hrupy pa zbory podpisaŭ žycharoŭ Salihorsku i rajonu pa pytańni budaŭnictva ladovaha pałacu. Dakumenty musiać razhledzieć na praciahu miesiacu. U vypadku rehistracyi nicyjatyŭnaja hrupa na ciaham dvuch miesiacaŭ budzie źbirać podpisy suprać budaŭnictva ladovaha pałaca. Referendum budzie praviedzieny ŭ vypadku, kali bolš za 10 pracentaŭ salihorcaŭ, što majuć prava hołasu, pastaviać svaje podpisy.
Na mahčymym referendumie ŭ žycharoŭ horadu zapytajucca taksama, ci zhodnyja jany z tym, kab finansavańnie budaŭnictva ździajśniałasia za košt miascovaha biudžetu. Pavodle planaŭ miascovych uładaŭ 2/3 srodkaŭ na budaŭnictva pałacu budzie vydatkavana ź miascovaha biudžetu.
