Padrychtoŭčuju pracu viaduć śpiecyjalisty Akademii navuk. Tekstałahičnuju hrupu ŭznačalvaje prafiesar Ściapan Łaŭšuk.
Pieršy tom vyjdzie ŭžo ŭ červieni, paviedamiŭ jon «Našaj Nivie», nastupny — u kancy hoda.
Zhodna z pastanovaj Savieta Ministraŭ, zakončyć vydańnie zboru tvoraŭ pavinny ŭ 2016-m — pa dva tamy štohod.
Tvory raźmiarkujucca nastupnym čynam.
1,2 — apaviadańni i narysy; 3,4 — apovieści; 5,6,7 — ramany; 8,9 — litaraturaznaŭstva, krytyka; 10 — rasiejskamoŭny raman «Kapitan Stiep idiet v raźviedku», napisany ŭ suaŭtarstvie z rasijskim žurnalistam Viktaram Mamantavym, dramaturhija, epistalaryj.
Sa słovaŭ Ściapana Łaŭšuka,
u zbor tvoraŭ uvojduć apaviadańni, jakija raniej nie publikavalisia.
Ivana Navumienka (1925-2006) — piśmieńnik, litaraturaznaviec. Naradziŭsia ŭ haradku Vasilevičy Rečyckaha rajona. Udzielnik Druhoj suśvietnaj vajny. U 1950-m skončyŭ fiłfak BDU. Pracavaŭ u rajonnych i respublikanskich hazietach. Uznačalvaŭ Instytut litaratury AN, źjaŭlaŭsia vice-prezidentam Akademii navuk. Doktar fiłałahičnych navuk, prafiesar.
Staršynia Viarchoŭnaha Savieta BSSR (1985-1990).
Aŭtar ramanaŭ «Sasna pry darozie», «Viecier u sosnach», apovieści dla dziaciej «Vajna kala Citavaj kopanki». Uznaharodžany Dziaržaŭnaj premii BSSR za litaraturaznaŭčyja knihi pra Janku Kupału i Jakuba Kołasa.
U 2005 admoviŭsia padtrymać stvareńnie pradziaržaŭnaha Sajuza piśmieńnikaŭ na čale ź Mikałajem Čarhincom.
Pachavany na minskaj Kalvaryi.
