U piatnicu jon vyjšaŭ na ekrany bolš čym tysiačy kinateatraŭ i zarabiŭ $ 2,2 młn. Pavodle prahnozaŭ analitykaŭ, usiaho za vychodnyja jon źbiare bolš za $ 8 młn i ŭvojdzie ŭ piaciorku samych papularnych filmaŭ tydnia.
Kinastužka «Amieryka Abamy: 2016» stvorana na asnovie bestselera kansiervatyŭnaha kałumnista Dyneša D'Sauzy «Karani hnievu Abamy». U trejlery filma D'Sauza raspaviadaje ab svaim imknieńni raskryć razumieńnie Abamam śvietabudovy praź los jaho kienijskaha baćki.
Demakraty zajavili, što kinastužka zaklikana dyskredytavać Abamu ŭ vačach vybarščykaŭ pierad prezidenckimi vybarami, i abvinavacili jaje stvaralnikaŭ u tendencyjnaści. Jak moža kienijski baćka paŭpłyvać na Abamu najmacniej, kali jaho vyhadavała biełaja maci i jaje tata, vieteran Druhoj suśvietnaj, kažuć libierały.
U minułym na ekrany ZŠA vychodziŭ film «Farenhiejt 9/11» Majkła Mura, krytyčny da Džordža Buša. Jon taksama zavajavaŭ rekordnuju aŭdytoryju.
U Biełarusi niemahčymy nie toje što pakaz u kinateatry filma, krytyčnaha pra Łukašenku, ale i najmienšaja krytyka kiraŭnika dziaržavy ŭ publičnaj śfiery.
