Salda źniešniaha handlu tavarami ŭ lipieni skłała ŭsiaho $23,2 młn, źniziŭšysia ŭ paraŭnańni z červieniem prykładna u 18,5 razu. Takija źviestki ŭtrymlivajucca ŭ
Zhodna sa śviežymi źviestkami viedamstva, abjom ekspartu tavaraŭ u lipieni 2012 źniziŭsia na $266,9 młn — da $ 3,95 młrd z $ 4,22 młrd miesiacam raniej. U toj ža čas impart tavaraŭ vyras na $140,7 młn — z $3,79 młrd u červieni da $ 3,930 młrd u lipieni.
Usio heta pryviało da abvalnaha padzieńnia stanoŭčaha salda źniešniaha handlu tavarami da $ 23,2 młn z $430,8 młn miesiacam raniej.
Toje, što adbyłosia možna rastłumačyć prykryćciom schiemy ekspartu rastvaralnikaŭ i zmazačnych materyjałaŭ z rasijskaj nafty biez vypłaty ekspartnaj pošliny ŭ rasijski biudžet.
Taksama nieabchodna ŭličvać, što ŭ lipieni jašče častkova ažyćciaŭlalisia pastaŭki rasijskaj syraviny dla vytvorčaści rastvaralnikaŭ i razbavicielaŭ. U žniŭni ž takija pastaŭki byli całkam zabłakavanyja, što jašče bolš adabjecca na źviestkach pa źniešniehandlovym salda Biełarusi za hety miesiac.