Na tydni skončycca praca nad klipam na pieśniu «Hości» z prajektu «Krambambula. Karali rajonu». Videa abiacaje być takim samym viasiołym, jak i pieśnia. Režysery roliku — Alaksiej Chackievič i Maćviej Saburaŭ, viadomyja z klipaŭ «Lapisa Trubiackoha» (apošniaja praca — «Łastaŭki») i Sašy ź Sirožam.
Akrom vykanaŭcaŭ — Lavona Volskaha i Siarhieja Michałka — u kadry možna budzie pabačyć viadomych spartoŭcaŭ, jakija i hrajuć, ułasna, rolu «haściej ź inšaziemnych abłaściej». U zdymkach uziali ŭdzieł futbalisty Hienadź Tumiłovič, Alaksandar Hleb i Alaksandar Chackievič, płyŭčycha Alaksandra Hierasimienia i velasypedystka Natalla Cylinskaja. Spartoŭcy pahadzilisia zdymacca biaspłatna.
Klip budzie napałovu animacyjny (kštałtu «Aŭ» «Lapisaŭ»): udzielnikaŭ zdymkaŭ šmatkroć fatahrafavali, kab potym sumiaścić ichnija fejsy z namalavanymi ciełami. «Heta budzie hetki łubačny postmadernizm», — kaža Lavon Volski. Na teleekranach «Haściej» možna budzie pabačyć u pačatku kastryčnika.
Siarhiej Budkin
