У Свіслачы Каліноўскага ведаюць лепей, чым Леніна
Адзіная гімназія ў Беларусі, якая носіць імя Кастуся Каліноўскага, сустрэла вучняў на Днi роднай мовы ў Свіслачы. Традыцыйная лінейка, кветкі, банты, прыгожа апранутыя школьнікі і іх бацькі прыйшлі на дзень ведаў у родныя сцены.
У гэтым годзе гімназія прыняла 18 першакласнікаў, піша «Салідарнасць». Пасля традыцыйных лінеек вучні свіслацкіх школ у Дзень роднай мовы рушылі на экскурсіі па горадзе і наведалі помнік Кастусю Каліноўскаму, усталяваны на галоўнай плошчы гораду яшчэ ў 1958 годзе.
Не зважаючы на афіцыйнае стаўленне да асобы кіраўніка паўстання 1863 году, у Свіслачы Каліноўскім ганарацца па-сапраўднаму. Напрыклад, дзяжурны адміністратар у гатэлі падрабязна распавядае пра славутых навучэнцаў не менш славутай гімназіі ў Свіслачы, а першакласнікі на экскурсіі не ведаюць, кім быў Ленін (помнік якому месціцца непадалёку), але пра Каліноўскага кажуць хорам.
І не дзіўна. Узгадак пра кіраўніка паўстання 1863 году ў Свіслачы шмат. Тут ёсць вуліца імя Каліноўскага, мемарыяльная дошка і помнік, усталяваныя ў яго гонар. Акрамя таго, менавіта ў Свіслачы месціцца гімназія, дзе вучыўся Кастусь Каліноўскі і Рамуальд Траўгут. Для мясцовых жыхароў такія славутыя сваякі – яшчэ адна падстава для гонару.
– Вось чаму не правесці Дзень беларускага пісьменства ў нас? – пытаецца адна з настаўніц, што прывяла сваіх вучняў на экскурсію. – Ці мала было ў Свіслачы славутых беларусаў, і ці не варта адраджаць горад менавіта з улікам слаўнай гістарычнай памяці?
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары