Рускі нацыяналіст Авяр’янаў-Мінскі сцвярджае, што яго пазбавілі беларускага грамадзянства і забаранілі ўезд у Беларусь
«Некалькі месяцаў, як я не магу прыехаць у родную Беларусію. А не магу таму, што хтосьці напісаў на мяне данос у КДБ, як на дыверсанта і правакатара. Цяпер сітуацыя з маім грамадзянствам такая ж, як у Паўла Шарамета», — напісаў Кірыл Авяр’янаў-Мінскі журналісту «Нашай Нівы». Паведаміць больш інфармацыі ён адмовіўся.
Вядома, што ў свой час Паўла Шарамета пазбавілі беларускага грамадзянства праз «атрыманне ім расійскага».
Кірыл Авяр’янаў-Мінскі выступаў з праімперскімі публікацыямі на расійскім радыкальным партале «Спутник і погром», галоўны рэдактар якога нядаўна заклікаў знішчыць Беларусь, Украіну і Кахастан.
Авяр’янаў-Мінскі пазіцыянуе сябе як гісторыка і знаўца Беларусі. У сваіх артыкулах ён праводзіць ідэю, што беларусы — штучная нацыя са штучнай культурай і мовай, памылкова адарваная ад «рускага свету». Таксама публіцыст не аднойчы называў Лукашэнку «здраднікам інтарэсаў Расіі».
У КДБ каментаваць гэтую сітуацыю адмовіліся, а ў МЗС спаслаліся на забарону агучвання спісаў «неўязных».
Вядома, што пры канцы мінулага года адзін з актывістаў Аб'яднанай грамадзянскай партыі звяртаўся ў кампетэнтныя органы з просьбаю праверыць «творчасць» Авяр’янава-Мінскага на наяўнасць пагрозаў дзяржаўнай бяспецы Беларусі. Згодна з адказам на зварот, тады экспертыза прайшла безвынікова.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары