Барыс Тасман: Нашага Пятровіча бессаромна выкарысталі лайдакі, зладзеі і «імпатэнты»
Журналіст «Прессбола» Барыс Тасман рэзка асудзіў затрыманне Уладзіміра Беражкова.
«Нашага Пятровіча бессаромна выкарысталі лайдакі, зладзеі і «імпатэнты», якія не ўмеюць ствараць, а здольныя толькі красці, ненавідзець і помсціць. Таму і краіна коціцца ў тартарары. Думаю, яны яшчэ не разумеюць, што робяць і на каго замахнуліся», — напісаў Тасман на сваёй старонцы ў фэйсбуку.
Папулярны журналіст Уладзімір Беражкоў пагадзіўся стаць выканаўцам абавязкаў генеральнага дырэктара хакейнага клуба «Дынама-Мінск», які страсалі карупцыйныя скандалы. Аднак праз некаторы час яго арыштавалі па абвінавачванні ў крадзяжы грошай клуба.
«Следчым камітэтам распачата крымінальная справа па ч. 3 арт. 210 Крымінальнага кодэкса. Службовая асоба падазраецца ў крадзяжы грашовых сродкаў клуба праз злоўжыванні службовымі паўнамоцтвамі ў памеры не менш за 45 мільёнаў рублёў», — паведаміла прэс-служба Следчага камітэта.
Чытайце яшчэ: Пяць фактаў пра арыштаванага Уладзіміра Беражкова
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект1
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары