У БДУ распрацавалі ядомую абгортку для цукерак
У Навукова-даследчым інстытуце фізіка-хімічных праблем Белдзяржуніверсітэта распрацавана ядомая абгортка для цукерак.
Як паведамляе прэс-служба БДУ, упакоўка ўяўляе сабой поўнасцю біяраскладаную плёнку, якая захоўвае смак, пах і знешні выгляд прадуктаў. Таксама прадугледжана магчымасць увядзення ў яе склад інгрэдыентаў, якія дапаўняюць смакавыя характарыстыкі.
Навуковая распрацоўка выраблена з прыродных харчовых палімераў, «на 100% нетаксічная, біясумяшчальная і поўнасцю разлагаецца ў арганізме чалавека», гаворыцца ў паведамленні.
«Асновай атрымання ядомых плёнак з'яўляецца агульнадаступны кукурузны крухмал, які мае нізкі кошт. Усё гэта стварае магчымасць арганізацыі канкурэнтаздольнай вытворчасці ядомых плёнак у якасці ўпаковачных матэрыялаў», — зазначыў загадчык лабараторыі раствораў цэлюлозы і прадуктаў іх перапрацоўкі НДІ ФХП Дзмітрый Грыншпан.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах10
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары