«Лестэр Сіці» («Лісы») выйграў англійскую футбольную прэм’ер-лігу сезона 2015/2016.
Здарылася гэта пасля таго, як 2 мая, «Чэлсі» і «Тотэнхем» згулялі ўнічыю 2:2, і за два туры да фінішу «Лестэр» (галоўны трэнер — Клаўдзіа Раньеры) ужо не здагнаць.
Пасля 36 тураў: Лестэр — 77, Тотэнхем — 70, Арсенал — 67, Манчэстэр Сіці — 64, Манчэстэр Юнайтэд – 60, Уэст Хэм — 59…
Да гэтага найлепшым дасягненнем «Лестэра» — каманды з малога гарадка, заснаванай у 1884 г., было 2-е месца ў сезоне 1928/29.
У 2008-м годзе каманда наогул выступала ў трэцім дывізіёне, у сезоне 2013-2014 г. выйграла чэмпіёншып (другі дывізіён), а ў мінулым годзе ў прэм'ер-лізе заняла 14-е месца.
Перад пачаткам сезона каэфіцыент на перамогу «Лестэра» з букмекераў складаў 5000 да 1.
Цікава, што пасля таго, як у 1978 году чэмпіёнам першы раз стаў «Нотынгем Форэст», золата атрымлівалі толькі самыя вядомыя клубы, якія калісьці раней ужо перамагалі ў чэмпіянаце.
Перамогу «Лестэра» ужо называюць найвялікшым і самым неймаверным дасягненнем у гісторыі англійскага і еўрапейскага футбола.
«Лестэр Сіці» назаўжды ўвойдзе ў гісторыю англійскага футбола як каманда, якая стала чэмпіёнкай, нягледзячы на тое, што яшчэ ў мінулым сезоне яна змагалася за права застацца ў Прэм'ер-лізе.
Да пачатку чэмпіянату «Лестэр Сіці» лічыўся адным з галоўных кандыдатаў на вылет, а галоўнага трэнера клуба Клаўдзіа Раньеры букмекеры называлі першым кандыдатам на звальненне сярод настаўнікаў каманд вышэйшага эшалона ангельскага футбола.
Перад прыходам у «Лестэр» Раньеры быў звольнены з пасады галоўнага трэнера зборнай Грэцыі пасля таго, як у чэрвені мінулага года яго падапечныя прайгралі зборнай Фарэрскіх выспаў.
Прыйшоўшы ў «Лестэр», Раньеры змог менш чым за 30 млн фунтаў сабраць каманду, што кінула выклік эліце англійскага клубнага футбола.
Пры гэтым у камандзе не было ніводнай футбольнай зоркі, і было шмат гульцоў, адкінутых іншымі клубамі.
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу8
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5050
Каментары