Даўнім спрэчкам адносна таго, ці з’яўляецца Дар’я Домрачава супрацоўнікам КДБ, нарэшце дадзены адказ.
Дар'я Домрачава і Валерый Вакульчык.
Гродзенскі журналіст Андрэй Пачобут звярнуў увагу на прафайл Героя Беларусі Дар’і Домрачавай на сайце БФСТ «Дынама». У ім адзначаецца, што спартсменка праходзіць службу ў КДБ. Яна мае званне старшага лейтэнанта.
Федэрацыі біятлона Беларусі ўзначальвае старшыня КДБ Валерый Вакульчык. Раней гэтую пасаду займалі ягоныя папярэднікі ў камітэце – Вадзім Зайцаў, Юрый Жадобін, Сцяпан Сухарэнка.
Многія беларускія біятланісты пасля сканчэння кар’еры ідуць працаваць у КДБ. У СМІ з’яўляліся паведамленні пра пераход у працы ў КДБ Людмілы Ананькі, Вольгі Назаравай, Вольгі Кудрашовай і іншых.
Дар’я Домрачава – унікальная беларуская біятланістка. Яна трохразовы алімпійскі чэмпіён (2014), а таксама ўладальніца Вялікага крыштальнага глобуса (2015). Гэты год яна прапусціла старты, цяпер Домрачава чакае дзіця ад славутага нарвежскага біятланіста Оле-Эйнара Б’ёрндалена.
Цяпер чытаюць
Хто забараняе ў Беларусі кнігі — вось гэтыя 22 чалавекі13
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары