Знакаміты амерыканскі музыкант Прынс памёр ад перадазіроўкі прэпаратам, які змяшчае опій, паведамляе агенцтва Асашыэйтэд прэс са спасылкай на прадстаўнікоў праваахоўных органаў.
Крыніца агенцтва, блізкая да расследавання, паведаміла аб прычынах смерці спевака на ўмовах ананімнасці з-за таго, што не ўпаўнаважана даваць каментары прэсе.
Падазрэнні ў тым, што Прынс злоўжываў апіоідамі, гучалі і раней.
У сярэдзіне красавіка Прынса на хуткай дапамозе даставілі ў бальніцу штата Ілінойс адразу пасля чарговага канцэрту ў Джорджыі, але праз некалькі гадзін музыканта выпісалі.
Як паведамляе Асашыэйтэд Прэс, у адным з нядаўніх інтэрв'ю спявак распавядаў пра тое, як ён пакутаваў у дзяцінстве ад прыступаў эпілепсіі, а сябры распавялі, як ён мучыўся ад праблем з суставамі.
Як распавяла яго былая перкусіяністка Шыла І, далі сябе знаць гады працы па сцэне і скачкоў па ёй у абутку на высокіх абцасах.
Прынс быў адным з найбольш уплывовых і папулярных амерыканскіх музыкаў. У 2004 годзе яго ўключылі ў Залу славы рок-н-ролу.
***
Прынс Роджэрс Нэльсан атрымаў сусветную вядомасць пасля выхаду ў 1982 годзе яго альбома «1999».
На піку сваёй славы ён саступаў у ЗША толькі Майклу Джэксану. Прынс быў лаўрэатам шматлікіх прэстыжных прэмій, у тым ліку «Оскара», «Грэмі» і «Залатога глобуса».
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3030
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ30
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары