Znakamity amierykanski muzykant Pryns pamior ad pieradaziroŭki preparatam, jaki źmiaščaje opij, paviedamlaje ahienctva Asašyejted pres sa spasyłkaj na pradstaŭnikoŭ pravaachoŭnych orhanaŭ.
Krynica ahienctva, blizkaja da rasśledavańnia, paviedamiła ab pryčynach śmierci śpievaka na ŭmovach ananimnaści z-za taho, što nie ŭpaŭnavažana davać kamientary presie.
Padazreńni ŭ tym, što Pryns złoŭžyvaŭ apioidami, hučali i raniej.
U siaredzinie krasavika Prynsa na chutkaj dapamozie dastavili ŭ balnicu štata Ilinojs adrazu paśla čarhovaha kancertu ŭ Džordžyi, ale praź niekalki hadzin muzykanta vypisali.
Jak paviedamlaje Asašyejted Pres, u adnym ź niadaŭnich intervju śpiavak raspaviadaŭ pra toje, jak jon pakutavaŭ u dziacinstvie ad prystupaŭ epilepsii, a siabry raspaviali, jak jon mučyŭsia ad prablem z sustavami.
Jak raspaviała jaho byłaja pierkusijanistka Šyła I, dali siabie znać hady pracy pa scenie i skačkoŭ pa joj u abutku na vysokich abcasach.
Pryns byŭ adnym z najbolš upłyvovych i papularnych amierykanskich muzykaŭ. U 2004 hodzie jaho ŭklučyli ŭ Zału słavy rok-n-rołu.
***
Pryns Rodžers Nelsan atrymaŭ suśvietnuju viadomaść paśla vychadu ŭ 1982 hodzie jaho alboma «1999».
Na piku svajoj słavy jon sastupaŭ u ZŠA tolki Majkłu Džeksanu. Pryns byŭ łaŭreatam šmatlikich prestyžnych premij, u tym liku «Oskara», «Hremi» i «Załatoha hłobusa».
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary