Расійская «Новая газета» апублікавала расследаванне пра багатае жыццё кіраўніка «Раснафты» Ігара Сечына і яго маладой жонкі.
Яны маюць дачыненне да раскошнай яхты памерам амаль з футбольнае поле. На ёй ёсць басейн, верталётная пляцоўка, джакузі, ліфт… Яхта атрымала назву St. Princess Olga («Святая прынцэса Вольга»). Яна займае 72-е месца ў рэйтынгу 100 самых вялікіх яхт ў свеце.
Некалькі гадоў таму Ігар Сечын развёўся са сваёй першай жонкай. А пасля пабраўся шлюбам з Вольгай Ражковай (цяпер яе прозвішча Сечына). Раней Вольга працавала ў апараце ўрада, калі Сечын быў віцэ-прэм'ерам, а цяпер уладкавалася ў дзяржаўны «Газпромбанк».
Мяркуючы па фатаграфіях у сацыяльных сетках, Вольга Сечына большую частку часу праводзіць за мяжой. У яе акаўнце ў Instagram шмат фатаграфій з яхты ля берагоў фешэнэбельных курортаў Сардзініі і Корсікі.
Дэталі на гэтых фота шмат у чым нагадваюць дэталі St. Princess Olga. Больш за тое: месцы на фота супадаюць з маршрутам яхты.
Параўнаўшы фатаграфіі з сацыяльных сетак Сечына з фотаздымкамі яхты St. Princess Olga, а таксама яе маршрутамі, можна выказаць здагадку, што жонка кіраўніка «Раснафты» адпачывала менавіта на гэтым судне.
Паводле ацэнак экспертаў, «Святая прынцэса Вольга» каштуе не менш за $100 мільёнаў.
Пры гэтым заробак Сечына з бонусамі складае каля $12 мільёнаў на год.
Тэарэтычна кіраўнік «Раснафты» мог арандаваць яхту для сваёй жонкі. Але нават пры яго афіцыйна высокім заробку арэнда St. Princess Olga моцна ўдарыла б па сямейным бюджэце. Прапановы па тыднёвай арэндзе яхт, падобных St. Princess Olga, пачынаюцца ад $1 мільёна. даляраў. А, мяркуючы па фатаграфіях, Вольга Сечына за апошнія тры гады правяла на яхце зусім нямала часу.
У прэс-службе «Раснафты» на пытанні «Новай газеты» па сутнасці не адказалі. «Шкадуем пра тое, што змест вашых запытаў за апошні месяц трапляе ў кантэкст відавочнай замоўленай кампаніі, развязанай супраць «Раснафты» і яе кіраўніка», — гаворыцца ў заяве кампаніі.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары