Аб'яднаная грамадзянская партыя да заўтра вырашыць, што рабіць з мандатам у парламенце, які атрымала іх актывістка Ганна Канапацкая.
Пра гэта заявіў лідар АГП Анатоль Лябедзька на прэс-канферэнцыі ў Мінску, адказваючы на пытанне, ці плануе партыя адмовіцца ад дэпутацкага месца, якое было атрымана ў выніку, як яны лічаць, несумленных выбараў.
— Мы ўсе рашэнні прымаем калегіяльна. Мы будзем абмяркоўваць гэтае пытанне. Я думаю, я буду кансультавацца са сваімі калегамі па правацэнтрысцкай кааліцыі. Тут ёсць свае плюсы і мінусы. Усё будзе пакладзена на шалі вагаў. Што рабіць з яе мандатам, мы будзем вырашаць, бо яна партыйны кандыдат.
Пасля прэс-канферэнцыі палітык заявіў, што схіляецца да таго, што палітрада АГП прыме рашэнне пакінуць Канапацкую ў парламенце. Лябедзька лічыць, што яна адна з падтрымкай партыі зможа больш, чым 108 праўладных дэпутатаў.
Па словах палітыка, Ганна Канапацкая, як і іншыя спікеры АГП (так у партыі называюць сваіх кандыдатаў), правяла вельмі моцную і інтэнсіўную кампанію.
— Я сам быў на шматлікіх яе пікетах. Яна пазіцыянавала сябе вельмі выразна — як прадстаўнік апазіцыйнай структуры. Яе праграма — мільён новых працоўных месцаў.
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?1
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары