Вынікам паходу было ня толькі аб’яднаньне ў адно цэлае беларускай нацыі, але і сталінскія рэпрэсіі, вываз насельніцтва ў Сібір і на Поўнач.
17 верасьня 1939 г. пачаўся г. зв. вызваленчы паход Чырвонай Арміі ў Заходнюю Беларусь і Заходнюю Ўкраіну. У панядзелак, у праграме Наші новості на АНТ зноў была запушчана старая байка пра тое, што паход быў выкліканы наступам нямецкіх войскаў, якія акупавалі этнічную Польшчу і сунуліся на Захад.
Лухта. Савецкі Саюз папросту прыступіў да рэалізацыі пакту Молатава -- Рыбэнтропа аб чацьвертым разьдзеле Польшчы. Як вынік сумесных нямецка-савецкіх пагадненьняў былі сумесныя ваенныя парады, што прайшлі ў Берасьці і Кобрыне.
Вынікам паходу было ня толькі аб’яднаньне ў адно цэлае беларускай нацыі (што несумненна станоўча), але і сталінскія рэпрэсіі, вываз насельніцтва ў Сібір і на Поўнач. Эканамічныя новаўвядзеньні таксама прывялі да зьбядненьня насельніцтва.
За паўтара году, да чэрвеня 1941 г,., з заходнебеларускіх земляў было вывезена на ўсход больш за 100 тыс. чалавек. Некалькі тысяч сядзела па турмах па ўсёй Заходняй Беларусі.
Пад рэпрэсіі трапіла і беларуская інтэлігенцыя: у тым ліку і бацькі «Нашай Нівы» — Аляксандар Уласаў ды Антон Луцкевіч.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары