Vynikam pachodu było nia tolki abjadnańnie ŭ adno cełaje biełaruskaj nacyi, ale i stalinskija represii, vyvaz nasielnictva ŭ Sibir i na Poŭnač.
17 vieraśnia 1939 h. pačaŭsia h. zv. vyzvalenčy pachod Čyrvonaj Armii ŭ Zachodniuju Biełaruś i Zachodniuju Ŭkrainu. U paniadziełak, u prahramie Naši novosti na ANT znoŭ była zapuščana staraja bajka pra toje, što pachod byŭ vyklikany nastupam niamieckich vojskaŭ, jakija akupavali etničnuju Polšču i sunulisia na Zachad.
Łuchta. Saviecki Sajuz paprostu prystupiŭ da realizacyi paktu Mołatava -- Rybentropa ab čaćviertym raździele Polščy. Jak vynik sumiesnych niamiecka-savieckich pahadnieńniaŭ byli sumiesnyja vajennyja parady, što prajšli ŭ Bieraści i Kobrynie.
Vynikam pachodu było nia tolki abjadnańnie ŭ adno cełaje biełaruskaj nacyi (što niesumnienna stanoŭča), ale i stalinskija represii, vyvaz nasielnictva ŭ Sibir i na Poŭnač. Ekanamičnyja novaŭviadzieńni taksama pryviali da źbiadnieńnia nasielnictva.
Za paŭtara hodu, da červienia 1941 h,., z zachodniebiełaruskich ziemlaŭ było vyvieziena na ŭschod bolš za 100 tys. čałaviek. Niekalki tysiač siadzieła pa turmach pa ŭsioj Zachodniaj Biełarusi.
Pad represii trapiła i biełaruskaja intelihiencyja: u tym liku i baćki «Našaj Nivy» — Alaksandar Ułasaŭ dy Anton Łuckievič.
Kamientary