Аказалася, што большасць жывёл выконвае неабходныя дзеянні з адной і той жа «вядучай» лапы.
Навукоўцы з Каралеўскага ўніверсітэта ў Белфасце высветлілі, што ў катоў, як і ў людзей, ёсць жывёліны з перавагай таго ці іншага паўшар'я мозгу. Іншымі словамі, сярод хвастатых выявіліся ўмоўныя «праўшуны» і «леўшуны». Прычым сярод самцоў, па словах заолагаў, пераважаюць прадстаўнікі «левалапых», а вось самкі часцей за ўсё аказваліся «правалапымі».
У даследаванні бралі ўдзел 44 хатнія коткі. Паддоследным у іх натуральным асяроддзі прапаноўвалася выконваць пэўныя нескладаныя заданні, напрыклад спусціцца з лесвіцы, пагуляць з падвешаным мячыкам або дастаць пачастунак з кармушкі. Высветлілася, што 75% котак выконваюць канкрэтныя дзеянні з дапамогай адной і той жа «вядучай» лапы.
Фізіялагічных прычын такога падзелу котак на «леўшуноў» і «праўшуноў» навукоўцы пакуль не выявілі.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў6
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1313
Каментары