На святкаванні Купалля ў Александрыі падчас тэатралізаванага прадстаўлення «Малая Радзіма» побач з Аляксандрам Лукашэнкам сядзеў яго малодшы сын Мікалай, кіраўнік Адміністрацыі прэзідэнта Наталля Качанава, расійскі мільярдэр Міхаіл Гуцэрыеў і Аліна Роскач. Што вядома пра дзяўчыну?
Падчас турніру па біятлоне «Снежны снайпер» у Раўбічах у сакавіку 2018 года, як піша БелТА, Аліна Роскач удзельнічала ў гонцы разам з Аляксандрам Лукашэнкам, яго прэс-сакратаром Наталляй Эйсмант, дзяржаўнай служачай Дар'яй Шманай, бронзавым прызёрам Алімпіяды ў Нагана Аляксеем Айдаравым, прызёрам алімпійскіх гульняў па мастацкай гімнастыцы Ксеніяй Санковіч, доктарам Святланай Канашэнка, выкладчыкам фізкультуры Астрашыцка-Гарадоцкай сярэдняй школы Анатолем Васько, вайскоўцам Аляксеем Брытых.
30 лістапада 2017 года яна была сярод супрацоўніц службы пратаколу, якія сустракалі лідараў краін на саміце Арганізацыі дамовы аб калектыўнай бяспецы (АДКБ).
Аліна Роскач родам са Светлагорска. Ёй 21 год. Яна вучыцца ў БНТУ, і як вынікае з яе інтэрв'ю «Светлагорскім навінам», дзяўчына стане інжынерам-металургам.
У 2016 годзе яна ўдзельнічала ў конкурсе «Міс Беларусь». І хоць не заваявала прызавога месца, яе ўсё адно заўважылі. «Светлагорскім навінам» Аліна распавядала, што яе мама памерла пасля інсульту, бацьку дзяўчына не ведала, таму што бацькі не былі ў шлюбе.
Вядома, што Аліна школьніцай прадстаўляла Светлагорск на конкурсе прыгажосці і грацыі «Крыштальная Німфа» у Гомелі. Таксама яна танцавала ў калектыве эстраднага танца «Рытм» у Светлагорскім доме культуры энергетыкаў. Дзяўчына ўдзельнічала ў «Міс Дажынкі-2013». На сайце БНТУ паведамляецца, што ў 2016 годзе на конкурсе ўніверсітэта яна стала другой віцэ-міс.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя8
Каментары