Фільм «Горад хлусні», адну з галоўных роляў у якім сыграў Джоні Дэп, знялі з пракату ў ЗША. СМІ звязваюць рашэнне з праблемнай рэпутацыяй акцёра.
«Горад хлусні» - брытанска-амерыканская стужка рэжысёра Брэда Фурмана. Фільм прысвечаны гісторыі расследавання забойства вядомых рэпераў Тупака Шакура і Крыстафера Джорджа Уолеса, вядомага як The Notorious B.I.G.
Планавалася, што прэм'ера «Гарады хлусні» у ЗША адбудзецца 7 верасня. Але за месяц да гэтай даты стужку знялі з пракату.
Хоць свае дзеянні аўтары фільма ніяк не пракаментавалі, шэраг амерыканскіх СМІ звязаў рашэнне з праблемнай рэпутацыяй Джоні Дэпа, выканаўцы адной з галоўных роляў у фільме.
Апошнім часам паводзіны Дэпа актыўна крытыкуе прэса і карыстальнікі сацыяльных сетак. Сярод апошніх скандалаў - судовы пазоў, які на акцёра падаў экс-менеджэр з лакацый «Горада хлусні» Грэг Брукс.
Паводле яго слоў, пасля здымак п'яны Дэп зневажаў яго, а затым двойчы моцна ўдарыў па рэбрах. Затым акцёр нібыта прапанаваў грошы за тое, каб Брукс ударыў яго ў адказ. Прадзюсар параіў Бруксу падпісаць пагадненне аб неразгалошванні інфармацыі аб паводзінах Дэпа. Пасля адмовы, кажа Брукс, яго адразу звольнілі.
Аднак толькі гэтым інцыдэнтам праблемная рэпутацыя Джоні Дэпа не абмяжоўваецца. Нядаўна часопіс Rolling Stone выпусціў прафайл, прысвечаны акцёру. У матэрыяле сярод іншага згадваюцца сур'ёзныя праблемы Дэпа з алкаголем і наркотыкамі. Раней былая жонка акцёра Эмбер Херд вінаваціла Дэпа ў хатнім гвалце.
Як піша The Hollywood Reporter, гэтак дрэнная рэпутацыя Дэпа, якая ў апошнія месяцы толькі пагоршылася, «зробіць публічную рэкламную кампанію «Горада хлусні» вельмі цяжкай». Выданне мяркуе, што менавіта з гэтым звязана зняцце стужкі з пракату.
Пры гэтым гаворка ідзе толькі пра ЗША, у іншых краінах ні пра якія змяненні ў датах выхаду фільма не паведамлялася.
-
Каверын сказаў, што калі б яго прапанова эратычнай фотасесіі для Ціханоўскай не выклікала такую рэакцыю, ён бы, магчыма, не выбачаўся
-
Чаму нашы адбіткі пальцаў унікальныя? І што яшчэ можа нас ідэнтыфікаваць
-
Заснавальнік вядомага мінскага бара «Карма» адкрыў ужо трэцюю ўстанову ў Варшаве. Што за яна?
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары