Адпаведнае абяцаньне ўтрымліваецца ў неафіцыйным лісьце, накіраваным у эўрапейскія структуры. Аднак нічога не гаворыцца пра іншыя, у тым ліку рэгіянальныя выданьні, пазбаўленыя магчымасьці друку і распаўсюду. Выданьні былі паінфармаваныя пра магчымасьць распаўсюду тэлефанічна, з Адміністрацыі прэзыдэнта.
Адпаведнае абяцаньне ўтрымліваецца ў неафіцыйным лісьце, накіраваным у эўрапейскія структуры. Аднак нічога не гаворыцца пра іншыя, у тым ліку рэгіянальныя выданьні, пазбаўленыя магчымасьці друку і распаўсюду.
«Беларусь сур’ёзна разглядае магчымасьці аднаўленьня супрацы з ЭС, што зьявіліся пасьля рашэньня Рады ЭС ад 13 кастрычніка 2008 году» [тут зваротны пераклад з ангельскага перакладу дакумэнту], — гаворыцца ў лісьце, пераклад якога мы атрымалі з крыніцаў у Брусэлі. «Гэтае рашэньне стварыла неабходныя перадумовы для поўнамаштабнага палітычнага дыялёгу».
У лісьце цытуюцца выказваньні У.Макея ў часе «Менскага форуму», і заяўляецца:
«Каб прадэманстраваць сур’ёзнасьць свайго намеру нармалізаваць адносіны з ЭС, беларускі бок:
1) пацьвярджае сваю гатоўнасьць да дэталёвага абмеркаваньня рэкамэндацый АБСЭ/БДІПЧ што да ўдасканаленьня Выбарчага кодэксу ... .
2) забясьпечыць:
a) рэальную магчымасьць для недзяржаўных газэтаў «Народная воля» й «Наша Ніва» друкавацца на тэрыторыі Беларусі;
б) вярнуць вышэйназваныя ў дзяржаўныя сеткі распаўсюду і ўключыць іх у дадатковы каталёг «Белпошты».
У лісьце таксама выказваецца гатоўнасьць улічыць пажаданьні ўпаўнаважанага АБСЭ па свабодзе СМІ ў сфэры заканадаўства.
Нічога не гаворыцца пра іншыя, у тым ліку рэгіянальныя выданьні, пазбаўленыя магчымасьці друку і распаўсюду.
«Народная воля» покуль мае выходзіць двойчы на тыдзень, у аўторак і пятніцу. Дамовы прадугледжваюць магчымасьць пераходу яе на штодзённы выхад. Няма і іншых дэталяў — адносна акрэдытацыі карэспандэнтаў, магчымасьці для продажу праз крамы ды іншае — якія складаюць умовы для нармальнай працы СМІ.
Газэтны цэх Беларускага дому друку, які належыць Адміністрацыі прэзыдэнта, ужо падрыхтаваў зьменены графік працы з улікам «Народнай волі». Газэта мае пачаць друк там ад 1 сьнежня.
«НН» і «Народная воля» былі тэлефанічна паінфармаваныя Адміністрацыяй прэзыдэнта пра магчымасьць «вырашэньня праблемаў распаўсюду». Газэты адразу накіравалі адпаведныя лісты ў «Белпошту» і «Белсаюздрукі». Пакуль невядома, зь якога дня дзьве газэты вернуцца ў распаўсюдніцкія сеткі. Ідуць перамовы з прадпрыемствамі-распаўсюднікамі.
Цяпер чытаюць
Хітры расіянін Яўген з жонкай і малым прыдумалі, як бясплатна пажыць у кватэры беларускі31
Каментары